بنگلہ دیش کے وزیر اعظم طارق رحمان نے جمعرات کو بنگلہ دیش سیکریٹریٹ میں ملک کی تینوں مسلح افواج کے سربراہان کے ساتھ تعارفی ملاقات کی۔
اس ملاقات کی اطلاع حکمران بنگلہ دیش نیشنل پارٹی یعنی بی این پی کے تصدیق شدہ فیس بک پیج پر دی گئی۔
یہ ملاقات کابینہ ڈویژن میں ہوئی، جہاں آرمی چیف جنرل وقارالزمان، نیوی چیف ایڈمرل ایم نظم الحسن اور ایئر فورس چیف ایئر چیف مارشل حسن محمود خان نے وزیر اعظم سے ملاقات کی۔
یہ بھی پڑھیں: بنگلہ دیش کی نئی کابینہ نے حلف اٹھالیا، وزیراعظم طارق رحمان نے 5 اہم وزارتیں اپنے پاس رکھ لیں
وزیر اعظم طارق رحمان نے اپنی کابینہ میں شامل ہونے کے دوسرے روز سیکریٹریٹ میں اپنے دفتر کا دورہ کیا۔
یہ ملاقات اس وقت ہوئی جب بی این پی نے 12 فروری 2026 کو ہونے والے 13ویں قومی پارلیمنٹ کے انتخابات میں فیصلہ کن کامیابی کے بعد حکومت بنائی تھی۔
نئی کابینہ کے اراکین اس ہفتے کے آغاز میں حلف برداری کی ایک تقریب میں اپنے حلف اٹھا چکے ہیں۔
مزید پڑھیں: بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
بدھ کو وزیر اعظم نے اپنی کابینہ اور مشیروں کا پہلا اجلاس بھی منعقد کیا، جس میں حکومت نے ابتدائی طور پر تین ترجیحات کا اعلان کیا۔
ان ترجیحات میں اشیائے خورونوش کی قیمتوں پر قابو، قانون و امن کی صورتحال میں بہتری، اور بجلی اور توانائی کی مستحکم فراہمی کو یقینی بنانا شامل ہیں۔
حکام کے مطابق، مسلح افواج کے سربراہان کے ساتھ نو منتخب وزیر اعظم کی یہ ملاقات ایک معمول کی تعارفی ملاقات تھی۔
