ڈسٹرکٹ اینڈ سیشن کورٹس اسلام آباد نے عدم حاضری پر سہیل آفریدی کے ناقابلِ ضمانت وارنٹ گرفتاری جاری کرتے ہوئے انہیں گرفتار کر کے عدالت میں پیش کرنے کا حکم دے دیا۔
وزیر اعلیٰ خیبر پختونخوا سہیل آفریدی کے خلاف ریاستی اداروں پر مبینہ گمراہ کن الزامات عائد کرنے اور ان کی ساکھ متاثر کرنے کے مقدمے کی سماعت سینیئر سول جج عباس شاہ نے کی۔
یہ مقدمہ پریوینشن آف الیکٹرانک کرائمز ایکٹ (پیکا) کے تحت درج کیا گیا ہے، جس میں الزام ہے کہ سہیل آفریدی نے ریاستی اداروں کے خلاف مبینہ طور پر گمراہ کن بیانات دے کر ان کی ساکھ متاثر کی۔
یہ کیس نیشنل سائبر کرائم انویسٹی گیشن ایجنسی (این سی سی آئی اے) کی جانب سے درج کیا گیا تھا۔
عدالت نے کیس کی مزید سماعت 9 مارچ تک ملتوی کرتے ہوئے فریقین کو آئندہ تاریخ پر تیاری کے ساتھ پیش ہونے کی ہدایت کی۔
قانونی ماہرین کے مطابق پیکا ایکٹ کے تحت درج مقدمات میں عدالت کی جانب سے جاری کیے گئے ناقابلِ ضمانت وارنٹ گرفتاری ایک اہم پیش رفت سمجھے جاتے ہیں۔
جو اس امر کی نشاندہی کرتے ہیں کہ عدالت ملزم کی حاضری کو یقینی بنانے کے لیے سخت اقدامات اختیار کر سکتی ہے۔
