ڈپٹی کمشنر راولپنڈی ڈاکٹر حسن وقار چیمہ کی زیر صدارت پرائس کنٹرول کمیٹی کا جائزہ اجلاس منعقد ہوا۔ جس میں ذخیرہ اندوزی، منافع خوری اور گراں فروشی کے خلاف بلاامتیاز کارروائی کے احکامات جاری کیے گئے۔
مزید پڑھیں: پنجاب بھر میں رمضان نگہبان دسترخوان، لاکھوں روزہ داروں کی افطاری
اجلاس میں ایڈیشنل ڈپٹی کمشنر جنرل ڈاکٹر حسان طارق، ایڈیشنل ڈپٹی کمشنر ریونیو شہریار شیرازی سمیت اسسٹنٹ کمشنرز اور پرائس مجسٹریٹس نے شرکت کی۔
ڈپٹی کمشنر نے رمضان میں اشیائے ضروریہ سرکاری نرخوں پر فراہم کرنے کی ہدایت کی اور نگہبان دسترخوان پروگرام کو بھرپور انداز میں جاری رکھنے کا فیصلہ کیا۔
اجلاس میں مستحق اور روزہ دار افراد کو معیاری اور باوقار افطاری کی فراہمی کو یقینی بنانے پر زور دیا گیا، اور افطاری مراکز پر صفائی، شفافیت اور سہولیات میں کسی بھی قسم کے سمجھوتے سے اجتناب کی ہدایت دی گئی۔
مزید پڑھیں: رمضان نگہبان پیکج: کیش رقم کیسے حاصل کی جائے؟ طریقہ کار سامنے آگیا
اجلاس میں روزانہ کارکردگی کا جائزہ لینے کے لیے رات گئے اجلاس منعقد کرنے اور بازاروں میں روزانہ مانیٹرنگ، نرخ نامے نمایاں آویزاں کرنے کے ساتھ خلاف ورزی پر سخت قانونی کارروائی کرنے کی ہدایات بھی دی گئیں۔
