پاکستانی شوبز انڈسٹری کی معروف اداکارہ زارا نور عباس نے اداکارہ سجل علی کے ساتھ تعلقات میں کشیدگی اور دوستی ختم ہونے کے حوالے سے خاموشی توڑ دی۔
زارا نور عباس نے حال ہی میں ایک پوڈکاسٹ میں میزبان احمد علی بٹ کے ساتھ گفتگو کرتے ہوئے سجل علی سے اپنے تعلقات کے بارے میں بات کی۔ میزبان نے سوال کیا کہ سجل کیسی ہیں اور آپ نے ان سے کتنے عرصے سے بات نہیں کی؟ جس پر زارا نے مسکراتے ہوئے جواب دیا الحمداللہ وہ اچھی ہیں اور ہم نے ابھی بات کی ہے۔ اس پر میزبان نے ہنستے ہوئے کہا کہ ’یہ جھوٹ ہے‘۔
View this post on Instagram
زارا نور عباس نے وضاحت کرتے ہوئے کہا کہ لوگ اکثر یہ سوچتے ہیں کہ اگر دو افراد نے ایک دوسرے کو ان فالو کر دیا تو وہ ایک دوسرے سے بات نہیں کرتے حالانکہ ایسا ضروری نہیں۔ انہوں نے مزید کہا کہ لوگ ہمیشہ میرے بارے میں منفی باتیں کرتے ہیں اور یہاں ہر کوئی ہر کسی کے بارے میں بات کرتا ہے۔
اداکارہ نے یہ بھی کہا کہ ہر ہاتھ ملانے والا دوست نہیں ہوتا اور خاص طور پر انڈسٹری میں جب آپ کسی سے ہاتھ ملاتے ہیں تو یہ دیکھنا پڑتا ہے کہ میری انگلیاں واپس آئی ہیں یا نہیں۔
زارا نور عباس نے بتایا کہ ان کے دوستوں کے کئی گروپس تھے اور وہ ہر کسی کو دوست سمجھ لیتی تھیں، لیکن اسد مجھے تنبیہ کرتے تھے اب سمجھ آیا کہ اسد ہمیشہ صحیح کہتے تھے۔
