دبئی میں واقع برج عزیزی دنیا کی دوسری سب سے بلند عمارت بننے جا رہی ہے۔ 725 میٹر بلند اور 140 منزلہ یہ ٹاور 2029 تک مکمل ہونے کا ہدف رکھتی ہے، اور اس میں رہائشی اپارٹمنٹس، ہوٹل، ریٹیل، ڈائننگ، تفریح اور ثقافتی مراکز شامل ہوں گے۔
مزید پڑھیں: روسی جنرل پر قاتلانہ حملے کی سازش بے نقاب، مبینہ حملہ آور دبئی سے گرفتار
اپارٹمنٹس کی قیمتیں 4.97 ملین درہم (قریباً 5 کروڑ 22 لاکھ پاکستانی روپے) سے شروع ہو رہی ہیں۔ برج عزیزی میں ایک سے 3 بیڈروم کے اپارٹمنٹس دستیاب ہوں گے جبکہ سب سے اوپر واقع الٹرا لگژری پینٹ ہاؤسز میں الگ لابی ہوگی۔
رہائشیوں کے لیے عمارت سے باہر نکلے بغیر سوئمنگ پول، سپا، جم، یوگا سینٹر، سینما، گیم روم، ریٹیل اور ڈائننگ کی سہولیات فراہم ہوں گی۔
اس ٹاور میں 7 ستارہ ہوٹل بھی ہوگا جس میں 7 ثقافتی تھیم پر مبنی ریستوران، لگژری بال روم اور ایک خصوصی بیچ کلب شامل ہیں۔ عالمی ریکارڈز میں سب سے اونچا آبزرویشن ڈیک (فلور 130)، سب سے اونچی ہوٹل لابی (فلور 111)، سب سے اونچا نائٹ کلب (فلور 126) اور سب سے اونچا ریستوران (فلور 122) شامل ہوں گے۔
عمارت کی تعمیر کی تاریخ کو بتانے کے لیے اوپر میوزیم میں ملٹی میڈیا نمائشیں بھی رکھی جائیں گی۔
مزید پڑھیں: دبئی میں فیشن فیسٹیول کا اختتام، شاہ رخ خان نے گلوبل اسٹائل آئیکون ایوارڈ جیت لیا
فرہاد عزیزی نے کہا ہے کہ 2 سب سے بلند عمارتیں صرف چند کلومیٹر کے فاصلے پر ہونا دبئی کی بلند حوصلہ افزائی اور شہروں کو نئی بلندیوں تک لے جانے کی صلاحیت کا مظہر ہے۔ برج عزیزی ایک منفرد اور تاریخی علامت قائم کرتا ہے۔
