پاکستان میں ایل پی جی کی فی کلو قیمت میں 37 روپے کی کمی اور گھریلو سلنڈر میں 438 روپے کمی کا اعلان کیا گیا ہے۔
آئل اینڈ ریگولیٹری اتھارٹی (اوگرا) کی جانب سے جمعرات یکم جون کو جاری کردہ نوٹیفیکیشن کے مطابق ایل پی جی کے 11.8 کلو ڈومیسٹک سیلنڈر کی نئی قیمت 2321.67 روپے ہو گی۔
اوگرا کے نوٹیفکیشن کے مطابق فی کلو ایل پی جی کی قیمت 196 روپے 75 پیسے ہوگئی ہے جس کے بعد ایل پی جی کا گھریلو سلنڈر 438 روپے سستا ہوگیا ہے۔
قبل ازیں گزشتہ مہینے کے لیے دو مئی کو جاری کردہ اوگرا کے نوٹیفیکیشن میں ایل پی جی کے ڈومیسٹک سیلنڈر کی قیمت 2759 روپے مقرر کی گئی تھی۔
اوگرا کے نئے نوٹیفیکیشن کے مطابق جون کے مہینے کے لیے ایل پی جی کی پروڈویسر پرائس 1499 روپے فی ڈومیسٹک سیلنڈر ہے جب کہ کنزیومر پرائس 2321 روپے ہے۔
ہر ڈومیسٹک سیلنڈر پر پیٹرولیم لیوی، جنرل سییلز ٹیکس اور دیگر ڈیوٹیز و اخراجات شامل کر کے صارفین کے لیے تقریبا ایک ہزار روپے کا اضافہ ہوتا ہے۔
اوگرا نے یکم جون 2023 سے نافذل العمل قیمتوں کی زیادہ سے زیادہ حد مقرر کی ہے، اگر پروڈیوسرز، مارکیٹنگ کمپنیاں یا ڈسٹری بیوٹرز چاہیں تو اس سے کم قیمت پر ایل پی جی فروخت کر سکتے ہیں۔
