عماد وسیم کی بیٹی کی سالگرہ کے موقع پر سوشل میڈیا پر شیئر کی گئی ایک پوسٹ کے بعد ان کی سابق اہلیہ ثانیہ اشفاق نے سخت ردِعمل دیتے ہوئے سنگین الزامات عائد کیے ہیں جس کے بعد یہ معاملہ سوشل میڈیا پر زیرِ بحث آ گیا ہے۔
حال ہی میں عماد وسیم نے اپنی بیٹی عنایہ وسیم کی سالگرہ کے موقع پر سوشل میڈیا پر تصویر شیئر کرتے ہوئے اسے مبارک باد دی اور محبت کا اظہار کیا۔ تاہم اس پوسٹ کے جواب میں ثانیہ اشفاق نے اپنی بیٹی کے لیے پیغام جاری کرتے ہوئے سخت الفاظ میں ردِعمل دیا۔
یہ بھی پڑھیں: سابق اہلیہ کے الزامات پر عماد وسیم کا جوابی وار، قانونی نوٹس بھیج دیا، شواہد کے ساتھ عدالت جانے کا اعلان
عماد وسیم نے سوشل میڈیا پر تصویر شیئر کی اور لکھا میری بیٹی کو سالگرہ مبارک، بابا تم سے بہت محبت کرتے ہیں۔
اس پوسٹ کے جواب میں ثانیہ اشفاق نے بھی بیٹی کو سالگرہ کی مبارک باد دیتے ہوئے سخت انداز میں ردِعمل دیا۔ اپنی پوسٹ میں انہوں نے لکھا کہ میری پیاری بیٹی کو پانچویں سالگرہ مبارک ہو۔ تم ایک ایسے بچپن کی مستحق ہو جو محبت، تحفظ اور استحکام سے بھرپور ہو۔
انہوں نے کہا کہ یہ بات افسوسناک ہے کہ سوشل میڈیا پر تو بابا تم سے بہت محبت کرتے ہیں جیسے پیغامات دیے جاتے ہیں مگر نجی سطح پر اداروں سے یہ کہا جا رہا ہے کہ بچوں اور ان کی ماں کو بے گھر افراد کی پناہ گاہ میں منتقل کر دیا جائے کیونکہ مالی معاونت بند کی جا رہی ہے۔
View this post on Instagram
ثانیہ اشفاق کا مزید کہنا تھا کہ بچوں کو محض سوشل میڈیا پر کہے گئے الفاظ نہیں بلکہ حقیقی زندگی میں تحفظ، سچائی اور ذمہ داری کی ضرورت ہوتی ہے۔ اپنی بیٹی کو مخاطب کرتے ہوئے انہوں نے لکھا کہ چاہے حالات جیسے بھی ہوں ماں ہمیشہ تمہاری حفاظت کرے گی اور تمہیں ہر دن محفوظ اور محبت بھرا احساس دلانے کی کوشش کرے گی۔
