9 مئی کے فسادات میں ملوث ایک اور پی ٹی آئی شر پسند کی شناخت ہو گئی ہے۔ شر پسند سید محمد ناظم عباس کا سرکاری و عسکری املاک کو نقصان پہنچانے میں کلیدی کردار رہا، ویڈیو بھی منظرِعام پر آ گئی۔
قانون نافذ کرنے والوں اداروں کے مطابق شر پسند ناظم عباس پی پی -95 چنیوٹ سے پی ٹی آئی کا نمائندہ اور نثار کالونی لاہور کا رہنے والا ہے۔ ناظم عباس نے 9 مئی کو پُر تشدد مظاہروں میں بھرپور اور جارحانہ انداز میں جلاؤ گھیراؤ اور بلوہ کیا تھا۔
کہا گیا ہے کہ ناظم عباس نوجوانوں کو اشتعال دلوانے، توڑ پھوڑ اور سرکاری و عسکری املاک پر حملوں میں آگے آگے رہا۔ فوج مخالف نعرے بازی اور دیگر شرپسندوں کی سرپرستی کرکے انہیں مسلسل اشتعال دِلا رہا تھا۔
قانون نافذ کرنے والوں اداروں کے مطابق سانحہ 9 مئی میں ملوث دیگر تمام شرپسندوں کی شناخت کا سلسلہ بھی جاری ہے۔ جنہیں قانون کے مطابق قرار واقعی سزا دی جائے گی۔
