انٹرنیشنل کرکٹ کونسل (آئی سی سی ) نے ٹی 20 ورلڈ کپ 2026 کے ٹیموں کے 11.25 ملین ڈالر انعامی فنڈ کی حتمی تقسیم کی تصدیق کر دی ہے۔ چیمپیئن بھارت کو سب سے زیادہ 2,639,423 ڈالر دیے گئے جبکہ رنرز اپ نیوزی لینڈ نے 1,422,692 ڈالر حاصل کیے۔
یہ بھی پڑھیں: ٹی20 ورلڈ کپ فائنل، جیتنے والے ٹیم کو کتنی انعامی رقم ملے گی؟
جنوبی افریقہ اور انگلینڈ کو بالترتیب 1,005,577 ڈالر اور 974,423 ڈالر دیے گئے۔ پاکستان نے ٹورنامنٹ میں اپنی کارکردگی کے مطابق بونس سمیت 522,692 ڈالر وصول کیے، جس میں 225,000 ڈالر کا بنیادی شرکت الاؤنس شامل ہے۔
ICC has announced the prize money distribution for the recently concluded Men's #T20WorldCup 2026.https://t.co/DyKnLpOm6p
— ICC (@ICC) March 11, 2026
ویسٹ انڈیز نے 538,269 ڈالر، زمبابوے 491,538 ڈالر، اور سری لنکا 475,962 ڈالر حاصل کیے۔ افغانستان، آسٹریلیا اور امریکہ نے ہر ایک 309,808 ڈالر حاصل کیے، جبکہ اسکاٹ لینڈ نے 278,654 ڈالر اور آئرلینڈ 271,731 ڈالر حاصل کیے۔
یہ بھی پڑھیں: ٹی20 ورلڈ کپ کی فاتح بھارتی ٹیم کے ہر کھلاڑی کو کتنی انعامی رقم ملے گی؟
یورپی اور دیگر ممالک میں اٹلی، نیدرلینڈز، یو اے ای اور نیپال نے 256,154 ڈالر وصول کیے، جبکہ کینیڈا، نمیبیا اور عمان کو 225,000 ڈالر دیے گئے۔
اس تقسیم کے بعد ٹیموں کے مالی انعامات کی تفصیل واضح ہوگئی ہے، جس سے عالمی کرکٹ میں ٹیموں کی کارکردگی اور حوصلہ افزائی کو مزید فروغ ملے گا۔
