امریکی صدر ڈونلڈ ٹرمپ نے اعلان کیا ہے کہ امریکا میں پچاس سال بعد پہلی بار ایک نئی آئل ریفائنری قائم کی جائے گی، جس میں سرمایہ کاری بھارتی ارب پتی مکیش امبانی کی کمپنی ریلائنس انڈسٹریز کرے گی۔
صدر ٹرمپ نے اپنے سوشل میڈیا پلیٹ فارم ٹروتھ سوشل پر کہا کہ یہ 300 ارب ڈالر کا تاریخی معاہدہ امریکا کی تاریخ کی سب سے بڑی ڈیل ہے۔
President Donald J. Trump announces that America First Refining is opening the FIRST new U.S. Oil Refinery in 50 YEARS in Brownsville, Texas. 🇺🇸
This is what AMERICAN ENERGY DOMINANCE looks like. 💪 pic.twitter.com/UTOW7wECCI
— The White House (@WhiteHouse) March 10, 2026
انہوں نے مزید کہا کہ نئی ریفائنری امریکی ریاست ٹیکساس کی بندرگاہ براؤنز وِل میں قائم کی جائے گی اور یہ امریکا کی معیشت اور قومی سلامتی کو مضبوط کرے گی۔
میڈیا رپورٹس کے مطابق یہ ریفائنری خاص طور پر امریکی شیل آئل کو پراسیس کرنے کے لیے ڈیزائن کی گئی ہے اور اسے امریکا فرسٹ ریفائننگ کمپنی قائم کر رہی ہے۔
کمپنی نے بتایا کہ ریلائنس انڈسٹریز کے ساتھ 20 سالہ معاہدہ طے پایا ہے، جس کے تحت شیل آئل کی خریداری، پراسیسنگ اور تقسیم کی ذمہ داریاں شامل ہیں۔
ریفائنری سالانہ تقریباً 1.2 ارب بیرل لائٹ شیل آئل پراسیس کرے گی، جس کی مالیت تقریباً 125 ارب ڈالر ہے۔ اس سے تیار ہونے والی مصنوعات کی مجموعی مقدار 50 ارب گیلن ہوگی، جس کی کل مالیت تقریباً 175 ارب ڈالر ہے۔
