وفاقی دارالحکومت اسلام آباد راولپنڈی میں تیز ہواؤں کے ساتھ موسلا دھار بارش جاری ہے، جس کے باعث موسم سرد ہوگیا اور شہریوں کے چہرے خوشی سے کھل اٹھے۔
ڈپٹی کمشنر اسلام آباد نے تمام اسسٹنٹ کمشنرز کو ہدایت دی ہے کہ وہ فیلڈ میں جا کر اپنے متعلقہ علاقوں کی صورتحال کا جائزہ لیں اور نشیبی علاقوں اور نالوں کی خصوصی نگرانی کریں۔
دوسری جانب لاہور کے کئی علاقوں میں بھی تیز بارش کا سلسلہ جاری ہے۔ مال روڈ، جیل روڈ اور لارنس روڈ کے اطراف میں بارش کی وجہ سے ٹریفک کی روانی متاثر ہوئی ہے۔
اسی طرح وارث روڈ، کوئنز روڈ، فیروز پور روڈ، مزنگ اور عابد مارکیٹ کے گرد و نواح میں بھی تیز بارش جاری ہے۔
اس کے علاوہ آزاد کشمیر کے مختلف علاقوں میں بھی بارش کا سلسلہ جاری ہے، جس کے باعث موسم دوبارہ سرد ہوگیا۔
