گزشتہ روز ڈالر کی قیمت میں 30 روپے کی بڑی کمی کے بعد آج ڈالر کی قیمت میں معمولی اضافہ ریکارڈ کیا گیا۔
حالیہ تبدیلی کے بعد انٹربینک میں ڈالر285 روپے 68 پیسے کا ہو گیا جبکہ گزشتہ روز ڈالر کی قدر 285 روپے 38 پیسے رہی تھی۔
اسٹیٹ بینک آف پاکستان کی کرنسی ایکسچینج رپورٹ کے مطابق سعودی ریال 76.16 روپے، اماراتی درہم 77.77 روپے، قطری ریال 78.40 روپے، کویتی دینار 928.99 روپے اور بحرینی دینار 757.73 روپے کا رہا۔
انٹربینک میں آسٹریلین ڈالر کی قیمت 188 روپے 86 پیسے، کینیڈین ڈالر 212 روپے 77 پیسے اور برطانوی پاؤنڈ 357 روپے 86 پیسے ریکارڈ کی گئی
جبکہ اوپن مارکیٹ میں ڈالر کی قیمت 302 روپے رہی۔
