کوئٹہ کے گھر میں موجود کنویں میں گرنے والے بچے کو بچانے کی کوشش میں اس کے ماں باپ اور بھائی بہن سمیت 4 افراد اپنی جان گنوا بیٹھے۔
پولیس کے مطابق کوئٹہ کے نواحی علاقے کیچی بیگ میں قمبرنی روڈ پر واقع ایک گھر میں بچہ کنویں میں جاگرا جسے بچانے کے لیے اس کے ماں باپ، بھائی اور بہن بھی کنویں میں کود پڑے۔
اطلاع ملنے پر پولیس اور متعلقہ اداروں کے اہلکار موقعے پر پہنچے اور ریسکیو آپریشن کرکے کنویں میں ڈوب جانے والوں کو نکال لیا تاہم ان کی حالت اس وقت خاصی تشویشناک تھی۔
چاروں افراد کو بولان میڈیکل کالج اسپتال منتقل کیا گیا تاہم وہ جاں بر نہ ہوسکے۔ وفات پا جانے والے افراد کے نام محمد علی، محمد یوسف، خمیسہ بی بی اور بی بی نامئی تھے۔
