امریکی گلوکارہ کیٹی پیری اور کینیڈا کے سابق وزیراعظم جسٹن ٹروڈو کے درمیان تعلق کے بارے میں نئی معلومات سامنے آئی ہیں جن کے مطابق دونوں اپنے رشتے کو مضبوط بنانے کے لیے سنجیدہ ہیں۔
یہ بھی پڑھیں: کیٹی پیری نے جسٹن ٹروڈو کے ساتھ رومانس کی روداد اشارے کنایوں میں بتادی
غیر ملکی میڈیا رپورٹس کے مطابق جسٹن ٹروڈو اور کیٹی پیری اپنے تعلق کو برقرار رکھنے کے لیے مسلسل کوششیں کررہے ہیں اور مصروفیات کے باوجود ایک دوسرے کے لیے وقت نکالتے ہیں۔
دونوں کی اولین ترجیح اپنے بچوں کے لیے پُرسکون اور مستحکم ماحول قائم رکھنا ہے، اسی وجہ سے وہ ملاقاتوں کے لیے اپنے معمولات میں نرمی رکھتے ہیں اور جب بھی موقع ملے ایک دوسرے سے ملنے کا اہتمام کرتے ہیں۔ دوری پر قائم یہ رشتہ شروع سے ہی ان کے لیے غیرمتوقع نہیں تھا۔
یہ بھی پڑھیں: اب کیا چھپانا؟ کیٹی پیری اور جسٹن ٹروڈو کی پیرس میں رومانوی تعلقات کی باقاعدہ تصدیق
رپورٹ کے مطابق کیٹی پیری اپنی 5 سالہ بیٹی کی والدہ ہیں جو ان کے سابق منگیتر سے ہے، جبکہ کینیڈا کے سابق وزیر اعظم 3 بچوں کے والد ہیں۔
دونوں کو ابتدا ہی سے معلوم تھا کہ مصروف زندگی کے باعث یہ رشتہ آسان نہیں ہوگا، تاہم انہوں نے اسے آگے بڑھانے کا فیصلہ کیا اور اسے کامیاب بنانے کے لیے پُرعزم ہیں۔
