پاکستان کے فاسٹ باؤلر اور سٹار کرکٹر شاہین شاہ آفریدی جو اپنی تیز گیند بازی کی وجہ سے جانے جاتے ہیں ان دنوں اپنی بیٹنگ اور چھکوں کی وجہ سے خبروں کی زینت بنے ہوئے ہیں۔ شاہین آفریدی اس وقت برطانیہ کی ٹی ٹوئنٹی لیگ وائٹلٹی بلاسٹ کھیلنے میں مصروف ہیں، گزشتہ دن ہونے والے میچ میں شاہین آفریدی باولنگ کرتے ہوئے کافی مشکلات کا شکار رہے جہاں انہوں نے چار اوورز میں 45 رنز دینے کے بعد صرف ایک وکٹ حاصل کی جبکہ ان کا اکانومی ریٹ 11.25 تھا۔
شاہین آفریدی باؤلنگ کے دوران تو اچھی کارگردگی کا مظاہرہ نہ کرسکے، لیکن بیٹنگ کے دوران انہوں نے 16ویں اوور میں چار چھکے لگا کر صرف 11 گیندوں پر 29 رننز بنا کر اپنے مداحوں کا دل خوش کردیا۔
ان کی بیٹنگ کی ویڈیو سوشل میڈیا کی زینت بنی تو صارفین کی جانب سے ملا جلا رد عمل سامنے نظر آیا ، جہاں ان کے مداح ان کی خراب باؤلنگ کی وجہ سے دلبرداشتہ نظر آئے وہی کچھ مداح ایسے بھی تھے جن کو ان کے چھکے دیکھ کر سابق کپتان شاہد آفریدی کی یاد آنے لگی۔
سپورٹس اور کرکٹ کے حوالے سے تبصرہ کرنے والے صحافی شعیب جٹ نے لکھا جو لوگ شاہین کے 4 چھکے لگانے پر خوشی سے ناچ رہے ہیں ان کو شاہین کے مستقبل کے بارے میں فکر مند ہونا چاہیے، کیونکہ وہ اسپیشلسٹ باؤلر کے طور پر اپنی ٹیم کے لیے یہ میچ بھی جیتنے میں ناکام رہے ہیں 4/45/1 اچھے اعداد نہیں ہیں۔شاہین کاپہلا کام چھکے لگانا نہیں وکٹ گرانا ہے۔پاکستان کو شاہین کی ضرورت ہے وکٹ لینے والے کھلاڑی کے طور پر سکس ہٹر کے طور پر نہیں۔
Those who r dancing 🕺on Shaheen’s 4 sixes they must be worried about pacer’s future as he is failed to win this game too for his team as specialist bowler 4/45/1 r not good numbers
شاہین کاپہلا کام چھکے لگانا نہیں وکٹیں گرانا ہے
🇵🇰 needs SHAHEEN as wicket taker not as six hitter pic.twitter.com/qb66H9T3t5— Shoaib Jatt (@Shoaib_Jatt) June 3, 2023
گفتگو مزید آگے بڑھی تو تبصروں ایک طوفان امڈ آیا اور صارفین شاہین آفریدی کی کارگردگی کے حوالے سے مختلف رائے دیتے نظر آئے ایک صارف نے تبصرہ کرتے ہوئے لکھا تو کیا اگر اسے بیٹنگ ملے تو وہ چھکے نہ لگائے۔۔یہ کیسی بے تکی بات ہے
تو کیا اگر اسے بیٹنگ ملے تو وہ چھکے نہ لگائے۔۔یہ کیسی بے تکی بات ہے
— Umar khaki (@AmeerUm93565323) June 3, 2023
جہاں صارفین ان کی بیٹگ پرفارمنس سے خوش دیکھائی دیے وہی کچھ صارفین ایسے بھی تھے جن کو لگتا ہے کہ شاہین آفریدی کی خراب پرفارمنس کے پیچھے ان کی انجری ہوسکتی ہے ، ایک صارف نے تبصرہ کرتے ہوئے لکھا شاہین انجری کے بعد سے ویسا بولر نہیں رہا۔ اپنی سپیڈ کھو دی ہے۔
@iShaheenAfridi Shaheen has not been the same bowler since his injury. Lost considerable pace & movement.
— khurram Begg (@KhurramBegg) June 3, 2023
کچھ صارفین کو شاہین آفریدی کے مستقبل کی فکر ستانے لگی ایک صارف نے لکھا شاہین بھی عرفان پٹھان کے نقش قدم پر چل پڑے ہیں۔ شروع کے دنوں میں پٹھان بہت اچھے بالر تھے دونوں طرف سونگ بھی کرتے تھے پھر پٹھان نے زیادہ توجہ بیٹنگ پر دینا شروع کر دی۔ اس کے بعد نا تو پٹھان بالر رہے اور نا بیٹسمین۔ کہیں آفریدی کے ساتھ بھی ایسا نا ہو۔
شاہین بھی عرفان پٹھان کے نقش قدم پر چل پڑے ہیں۔ شروع کے دنوں میں پٹھان بہت اچھے بالر تھے دونوں طرف سونگ بھی کرتے تھے پھر پٹھان نے زیادہ توجہ بیٹنگ پر دینا شروع کر دی۔ اس کے بعد نا تو پٹھان بالر رہے اور نا بیٹسمین۔ کہیں آفریدی کے ساتھ بھی ایسا نا ہو۔ https://t.co/GrL2gTqeKU
— Imran Zafar (@Lazy_Imran) June 3, 2023
واضح رہے کہ اس سے قبل بھی شاہین آفریدی پاکستان سپر لیگ میں اپنی شاندار بیٹنگ کی وجہ سے میچ جتوا چکے ہیں جبکہ صارفین کا ماننا ہے کہ ان کو آل راؤنڈر بننے کے بجائے صرف اپنی باؤلنگ پر توجہ دینی چاہیے۔