پاکستان تحریک انصاف کے چیئرمین عمران خان کی ہدایت پر پی ٹی آئی خیبر پختونخوا کے صدر اور جنرل سیکرٹری کی نامزدگی عمل میں لائی گئی ہے۔
سابق وفاقی وزیر امور کشمیر علی امین گنڈا پور تحریک انصاف خیبر پختونخوا کے صدر اور علی اصغر خان کو جنرل سیکرٹری نامزد کیا گیا ہے۔
چئیرمین عمران خان کی ہدایت پر تحریک انصاف خیبر پختونخوا کے نئے صدر اور جنرل سیکرٹری کی تعیناتی کے نوٹیفکیشن جاری
• صدر علی امین گنڈاپور
• جنرل سیکرٹری علی اصغر خان pic.twitter.com/ed1E9lrI7H— PTI (@PTIofficial) June 3, 2023
تحریک انصاف کے چیئرمین عمران خان کی منظوری سے دونوں نامزدگیوں کا نوٹیفکیشن مرکزی سیکرٹری جنرل عمر ایوب نے جاری کر دیا ہے۔
واضح رہے کہ چیئرمین تحریک انصاف عمران خان کی 9 مئی کو القادر ٹرسٹ کرپشن کیس میں گرفتاری کے بعد ہونے والے احتجاج میں اہم املاک کو نشانہ بنانے کو وجہ بنا کر کئی اہم رہنما پارٹی سے علیحدگی اختیار کر چکے ہیں جن میں پی ٹی آئی خیبر پختونخوا کے سابق صدر پرویز خٹک بھی شامل ہیں۔
یہ بھی پڑھیں 9مئی کے واقعات پر عامر کیانی نے پی ٹی آئی چھوڑ دی، سیاست سے بھی دستبردار
اس کے علاوہ عامر کیانی، فواد چوہدری، فیاض الحسن چوہان سمیت درجنوں رہنما تحریک انصاف سے علیحدگی کا اعلان کر چکے ہیں۔ ان میں کچھ شخصیات ایسی بھی ہیں جنہوں نے پی ٹی آئی سے علیحدگی کے ساتھ سیاست سے بھی دستبرداری کا اعلان کیا ہے اوراُن میں شیریں مزاری، علی زیدی، عمران اسماعیل سر فہرست ہیں۔
یہ بھی یاد رہے کہ تحریک انصاف کے مرکزی سیکرٹری جنرل اسد عمر بھی اپنے عہدے سے مستعفی ہو چکے ہیں جس کے بعد یہ ذمہ داری عمر ایوب کو سونپی گئی ہے۔
یہ بھی پڑھیں اسد عمر پارٹی عہدوں سے مستعفی، 9 مئی کے واقعات کی مذمت کر دی
