سرابرہ عوامی مسلم لیگ اور سابق وزیر داخلہ شیخ رشید احمد نے کہا ہے کہ آج رات 12 بجے میرے اسلام آباد والے گھر میں ایلیٹ فورس دروازے توڑ کر دوباره داخل ہوئی اور 31 مئی کو فورس کے تشدد سے زخمی ہونے والے ملازمین کو مار پیٹ کر زبردستی بیان ریکارڈ کروایا کہ ان پر کوئی تشدد نہیں ہوا، بازو گرنے کی وجہ سے ٹوٹا ہے۔
— Sheikh Rashid Ahmed (@ShkhRasheed) June 4, 2023
ٹوئٹر پر اپنے تحریری اور ویڈیو پیغام میں شیخ رشید احمد نے کہا ہے کہ ’پولیس سب کچھ ہماری شکایت پر جج طاہر عباس سپرا کی طرف سے 9 جون کو پولیس کو دیے گئے نوٹس کی وجہ سے کر رہی ہے اور صبح 4 بجے سفید کپڑوں میں ملبوس فورس نے میری والدہ کے گھر سوئے ہوئے لال حویلی کے ملازمین پر بھی تشدد کیا۔ محلے والوں نے سادہ کپڑوں والی فورس سے اُنہیں چھڑوایا۔
آج رات 12بجے میرے اسلام آباد گھر میں ایلیٹ فورس دروازے توڑ کردوباره داخل ہوئی اور 31 مئی کو فورس کے تشدد سےزخمی ہونے والے ملازمین کو مار پیٹ کر زبردستی بیان ریکارڈ کروایا کہ ہم پے کوئی تشدد نہیں ہوا اور ہمارا بازو گرنے کی وجہ سے ٹوٹا ہے پولیس سب کچھ ہماری شکایت پر جج جناب طاہر…
— Sheikh Rashid Ahmed (@ShkhRasheed) June 4, 2023
شیخ رشید کا کہنا تھا کہ ’ملک میں جنگل کا قانون ہے انسان کو حقیر فقیر اور ذلیل بنا دیا گیا ہے پولیس ذہنی مریض ہو چکی ہے، ملکی تاریخ میں تھانوں میں سب سے زیادہ کرپشن اب ہورہی ہے کیونکہ پولیس نے بیگناہوں کو چھوڑنے کا معاوضہ بڑھا دیا ہے۔
سرابرہ عوامی مسلم لیگ کا کہنا تھا کہ ’قانونی چارہ جوئی کا حق رکھتا ہوں وقت سدا ایک جیسا نہیں رہتا، سدا بادشاہی خدا کی ہے‘۔
