کرکٹر بابر اعظم اور محمد رضوان کی ہارورڈ بزنس اسکول میں داخلہ لینے کے بعد تعلیمی سرگرمیاں جاری ہیں، بابر اعظم نے اپنے ساتھی طلبا کے ساتھ تعلیمی سرگرمیوں کے دوران لی گئی تصویر سماجی رابطہ ویب سائٹ ٹوئٹر پر شیئرکر دی جسے دیکھ کر مداح حیران رہ گئے۔
پاکستان کرکٹ ٹیم کے کپتان بابر اعظم نے سوشل میڈیا پر ایک تصویر شیئر کرکے اپنے مداحوں کو خوشگوار حیرت میں ڈال دیا جس میں بابر اعظم کو اپنے ہم جماعتوں کے ساتھ مشغول ہوتے ہوئے دیکھا گیا ہے۔
Met some thoughtful committed people ready to change the world.#Harvard pic.twitter.com/ofRycvI3VX
— Babar Azam (@babarazam258) June 3, 2023
بابر اعظم نے تصویر شیئر کرتے ہوئے اپنے ساتھ موجود طلبا کی تعریف کرتے ہوئے کہا کہ یہ اچھی سوچ رکھنے والے وہ لوگ ہیں جو دنیا کو بدلنے کے لیے تیار ہیں۔
تصویر میں موجود ساتھی طلبا میں سابق یو ایف سی ہیوی ویٹ چیمپیئن فرانسس نگانو اور چیلسی فٹ بال کلب کے کپتان سیزر ازپیلیکیوٹا شامل ہیں۔
King Babar and Rizwan found in the class room taking classes.. https://t.co/tPofRDOTm0
— JIMMRZ (@Jimmrz_) June 3, 2023
اس کے علاوہ بابر اعظم اور محمد رضوان کی ہارورڈ یونیورسٹی میں جاری تعلیمی سرگرمیوں کی تصاویر پہلے سے سوشل میڈیا پر دیکھی جا رہی ہیں، جس پر مداحوں کا کہنا ہے کہ بابر اعظم اور محمد رضوان نے ہارورڈ بزنس اسکول کے ایگزیکٹو ایجوکیشن پروگرام میں داخلہ لے کر ایک مثبت کام کیا ہے۔
’کھیل کے ساتھ ساتھ تعلیمی سرگرمیاں جاری رکھنا کامیابی کی نشاندہی کرتا ہے بلکہ کرکٹ کی وسیع تر کمیونٹی کے لیے بھی اہمیت رکھتا ہے۔‘
https://twitter.com/anngrypakiistan/status/1664901224431247360?ref_src=twsrc%5Etfw%7Ctwcamp%5Etweetembed%7Ctwterm%5E1664901224431247360%7Ctwgr%5Ecd8b584c1f8f18a549ba69b8427d93ddb1bc2d48%7Ctwcon%5Es1_&ref_url=https%3A%2F%2Fcricketpakistan.com.pk%2Fen%2Fnews%2Fdetail%2Fbabar-azam-shares-picture-of-his-classmates-at-harvard-business-school
بابر اعظم اور محمد رضوان پاکستان کے پہلے کرکٹرز ہیں جنہوں نے ہارورڈ بزنس اسکول کے (BEMS) بزنس آف انٹرٹینمنٹ، میڈیا اینڈ اسپورٹس میں داخلہ لیا ہے۔
دونوں کرکٹرز نے بوسٹن، میساچوسٹس کے مشہور ہارورڈ بزنس اسکول کیمپس کی کلاسز میں شرکت کی۔
Salam from Harvard!
Grateful to you all for the birthday wishes. I pray and wish the very best for you in every aspect of life. 🤲 pic.twitter.com/6lNfvMrKi8
— Muhammad Rizwan (@iMRizwanPak) June 3, 2023
دونوں کرکٹرز کی جانب سے اٹھائے گئے اس اہم قدم سے امید کی جاتی ہے کہ نئے آنے والے کرکٹرز پر بھی اسکا اثر پڑے گا اور کھیلوں کی کوششوں کے ساتھ ساتھ تعلیم حاصل کرنے کی بھی ترغیب ملے گی۔