سڑک پر چلتی گاڑی کے ٹائر کیوں پھٹتے ہیں؟

اکثر آپ نے دیکھا ہو گا کہ چلتی گاڑی کے ٹائر پھٹ جاتے ہیں جس سے کئی لوگ جان کی بازی ہار جاتے ہیں لیکن کیا آپ نے کبھی سوچا کہ ایسا کیوں ہوتا ہے؟

گزشتہ چند روز سے پاکستانی ٹائم لائنز پر ایک تحریر مختلف اکاؤنٹس سے شیئر کی جا رہی ہے جس میں صارفین کو دوران ڈرائیونگ ٹائر پھٹنے کی وجوہات سے آگاہ کیا جا رہا ہے۔

اس تحریر کے مطابق پاکستانی سڑکوں خصوصاً موٹرویز اور ہائی ویز پر ٹائر پھٹنے کی بڑی وجہ ٹائروں میں ہوا کا دباؤ مقررہ مقدار جتنا رکھنا ہے۔

فیس بک، ٹوئٹر اور واٹس ایپ پر شیئر ہونے والی اس تحریر میں جہاں کچھ تکنیکی پہلوؤں کو موضوع بنایا گیا ہے وہیں پاکستان میں سڑکوں پر دیکھی جانے والی عادات اور ڈرائیونگ اسٹائل پر بھی گفتگو کی گئی ہے۔

موٹر وے پر ٹائر کیوں پھٹتے ہیں؟
کل لاہور کے سات نوجوانوں کی سڑک حادثہ میں موت ہوگئی۔ وجہ گاڑی کا ٹائر پھٹنا تھا۔ اہم نئے بننے والے ایکسپریس وے اور موٹر وے پر ان دنوں گاڑیوں کے ٹائر پھٹنے کے واقعات منظر عام پر آ رہے ہیں۔ جس میں روزانہ کئی لوگ جان کی بازی ہار رہے ہیں۔ ایک دن میرے… pic.twitter.com/ItH8qYBj3U

— عمرانیم حجازیم (@United_World__) June 4, 2023

اس ٹویٹ میں بتایا گیا ہے کہ تمام ترقی یافتہ ممالک میں گاڑیوں میں ہوا کا ایک ہی دباؤ رکھا جاتا ہے جبکہ ہمارے ملک میں ایندھن بچانے کے لیے ٹائروں میں ضرورت سے زیادہ ہوا بھر لی جاتی ہے۔

مذکورہ تحریر بہت زیادہ شیئر ہوئی تو کئی افراد نے نشاندہی کی کہ اس میں بیان کردہ معلومات مکمل طور پر درست نہیں ہیں۔
ایسے صارفین نے دوران ڈرائیونگ ٹائر پھٹنے اور اس سے ہونے والے نقصانات کے متعدد اسباب بیان کیے۔

https://twitter.com/Mshakeeb97/status/1665294908909928448?s=20

محمد شکیب نامی صارف کا کہنا تھا کہ 10گھنٹے مسلسل بھی گاڑی چلائیں تو پریشر اتنا ہی رہتا ہے، ان کا کہنا تھا کہ معیاری ٹائر استعمال نہ کرنا اور سڑک پر کوئی نوکیل چیز ہونے سے ٹائر پھٹ سکتے ہیں۔

 گاڑی کا ٹائر پھٹنے میں کتنی قوت درکار ہوتی ہے؟

محمد شکیب کے مطابق گاڑی کا ٹائر پھٹنے کی سب سے عام وجہ ٹائر میں ہوا کا دباؤ کم ہونا ہے۔ جو ٹائر کے اندرونی حصے میں موجود فائبر اور اسٹیل وائرز کو تباہ کرنے کا باعث بنتا ہے۔ کار ڈرائیورز کے مطابق ٹائر پھٹنے کے زیادہ واقعات تب رونما ہوتے ہیں جب گاڑی کو مستقل طور پر تیز رفتاری سے چلایا جاتا ہے۔

شہزاد آصف جاوید نامی صرف لکھتے ہیں کہ ہر گاڑی میں کمپنی کے بتائے گئے سائز کا ٹائر ڈالنا چاہیے اور اگر ٹائر اچھا بھی ہو تو 50 ہزار کلو میٹر رننگ پر تبدیل کر لینا چاہیے۔

ٹائر پریشر کے حوالے سے کوئی یکساں سٹینڈرڈ نہیں ہیں، ہر گاڑی کے ٹائر کا سائز اور ائیر پریشر ڈرائیور سائڈ والے دروازے میں درج ہوتے ہیں، گاڑی میں کمپنی کا بتائے گئے سائز کا ٹائر ڈالنا چاہئے، اور اچھا ٹائر بھی پچاس ہزار کلومیٹر رننگ پر تبدیل کر لینا چاہئے، موٹروئیز پر سفر کرتے ہوئے… https://t.co/mePvr5Gaq9

— Shehzad Asif Javed (@ShehzadAsif) June 5, 2023

جہاں بعض صارفین نے اس پوسٹ کو معلوماتی قرار دیا وہیں چند افراد نے اسے حقائق سے منافی قرار دیتے ہوئے کہا کہ پاکستان میں گاڑیوں کے ٹائرز میں ہوا بھرنے کا سٹینڈر ہے اور 30 پاؤنڈ ہوا بھرنے پر مشین ٹرپ کر جاتی ہے ، ان کا مزید کہنا تھا کہ جب تک آپ مطالبہ نہ کریں اس سے زیادہ کوئی ہوا نہیں بھرتا۔

بجان و مال کا معاملہ ہے سو کاپی پیسٹ سے متاثر مت ہوں۔ پاکستان میں گاڑیوں میں 30 سے 35 PSI ہوا کا اسٹینڈر ہے۔ 35 حد ہے، اور عام پریکٹس یہ ہے کہ جس ٹائر شاپ پر بھی ہوا بھروانے جائیں گے تو مشین 30 پاؤنڈ پر ٹرپ کر جائے گی۔ اس سے زیادہ کوئی نہیں بھرے گا جب تک آپ ڈیمانڈ نہ کریں۔ https://t.co/FFdSeR4Goh

— پروفـــیسر مـلنـــــــــــگ™ (@MalangNama) June 4, 2023

شفاعت شاہ نے موٹروے پولیس کو تنقید کا نشانہ بناتے ہوئے لکھا کہ موٹروے پولیس کو ویڈیوز کی تشہیر کی بجائے موٹرویز پر داخل ہونے سے پہلے ٹائروں کے پریشر کو یقینی بنانے کے لیے تعلیم دینی چاہیے۔

Motorway Police instead of publicity videos,should educate the motorists to ensure correct tire pressures before entering motorways as due to continuous high speed psi increases manifolds and causes burst .
Before venturing on an outside journey it is the responsibility of every… https://t.co/IOspKjEydM

— SHAFAAT SHAH (@INFANTRY28) June 4, 2023

یہی وقت ہے کہ پاکستان ہر چند سال بعد گاڑیوں کی جانچ شروع کر دے تاکہ یہ یقینی بنایا جا سکے کہ وہ سڑک پر چلنے کے قابل ہے یا نہیں،  سلمان خالق کہتے ہیں کہ گاڑی کے ٹائر کی حالت آپ اور آپ کے خاندان کی حفاظت کے لیے اہم ہے۔

Tyre condition is important for your and your family safety. I think this is time for pakistan to introduce motor vehicle checks every few years to make sure they are road worthy. https://t.co/X4kBcDv9JY

— Salman Khaliq (@salmankhaliq) June 4, 2023

واضح رہے کہ کچھ عرصہ پہلے موٹروے پر ٹائر پھٹنے سے 7نوجوانوں کی سڑک حادثے میں موت ہو گئی تھی، جس کی وجہ گاڑی کا ٹائر پھٹنا تھا۔