اسٹار فٹ بالر لیونل میسی کو 10 جون کو چینی بارڈر پولیس نے بیجنگ ایئرپورٹ پر روک لیا کیونکہ میسی ارجینٹینا کا پاسپورٹ لانے کے بجائے اسپین کا پاسپورٹ ساتھ لے آئے تھے تاہم آدھے گھنٹے کی تفتیش کے بعد میسی کو جانے کی اجازت دے دی گئی۔
میڈیا رپورٹس کے مطابق لیونل میسی اپنے ارجینٹینا کے ساتھی کھلاڑیوں کے ساتھ چین پہنچے جہاں وہ اپنی ٹیم ارجینٹینا کی طرف سے آسٹریلیا کے خلاف 13 جون کو چین کے ورکرز اسٹیڈیم میں فٹ بال میچ کھیلیں گے۔
Earlier today at the Beijing airport, Leo Messi faced some issues with his passport. pic.twitter.com/rLNwI3W4nJ
— Leo Messi 🔟 Fan Club (@WeAreMessi) June 10, 2023
حال ہی میں لیونل میسی نے ارجینٹینا کو فٹ بال ورلڈ کپ کا فائنل جتوا کر ٹائٹل اپنی ٹیم کے نام کیا، اسٹار فٹ بالر میسی اپنے منفرد اور جارحانہ انداز کی بدولت دنیا بھر میں مشہور ہیں اورانکی موجودگی کی خبر سنتے ہی انکے مداح ایک جھلک دیکھنے کے لیے جمع ہو جاتے ہیں۔
3 روز پہلے 10 جون کو جیسے ہی اس واقعے کی خبر پھیلی تو میسی کے مداح بیجنگ میں ان کے ہوٹل کے باہر جمع ہو گئے اور اپنے پسندیدہ فٹ بالر کی ایک جھلک دیکھنے کے لیے بے تاب ہوگئے۔
تاہم یہ واقع پیش آتے ہی چینی پولیس نے میسی کو خبردار کر دیا اور سیکیورٹی وجوہات کی وجہ سے شائقین کے پاس جانے سے منع کر دیا۔ جس کے باعث ارجینٹینا کی ٹیم کو آسٹریلیا کے خلاف پری میچ ٹریننگ سیشن کو بھی منسوخ کرنا پڑا۔
چینی میڈیا کے مطابق ایک مداح نے تو میسی سے ملنے کی امید سے مختلف ہوٹلوں کے کمروں کی بکنگ میں دس ہزار یوان خرچ کر دیے۔
دوسری جانب 68 ہزار لوگوں کے بیٹھنے کی صلاحیت رکھنے والے چینی ورکرز اسٹیڈیم کی تمام ٹکٹس 20 منٹ کے اندر فروخت ہو گئیں جبکہ بلیک مارکیٹ میں ان ٹکٹس کی قیمت اصل قیمت سے کئی گنا زیادہ منافع پر فروخت ہو رہی ہے۔
تاہم چینی پولیس نے عوام کو خبردار کیا ہے کہ کسی بھی قسم کے فراڈ یا دھوکا دہی کی زد میں آنے والوں کے لیے پولیس کوئی اقدام نہیں کرے گی لیکن دھوکا دہی کرنے اور جھوٹی خبریں پھیلانے والوں کو پولیس عبرتناک سزا دے گی۔
