ماحولیاتی تحفظ اور عوام میں شعور بیدار کرنے کےجتن دنیابھرمیں جاری ہیں وہی پاکستان کے شمالی علاقہ جات جو خوبصورتی کے لحاظ سے اپنی مثال آپ ہیں ، بڑھتے ہوئے کچرے اور ماحول کو آلودہ کرنے والے عناصر کی وجہ سے اپنی خوبصورتی کھو رہے ہیں۔
پاکستان میں گرمی کا موسم شروع ہوتے ہی سیاح شمالی علاقہ جات کا رخ کرتے نظر آتے ہیں ، کبھی وہاں پر منعقدہ فیسٹولز کا حصہ بنتے ہیں تو کبھی وہاں کے خوبصورت نظاروں سے لطف اندوز ہوتے ہیں لیکن پچھلے کچھ برسوں سے ان خوبصورت سیاحتی علاقوں کی خوبصورتی مانند پڑتی نظر آرہی ہے۔
پاکستانی ٹائم لائنز پر آئے روز کبھی کوئی غیر ملکی سفیر اسلام آباد کی مارگلہ پہاڑیوں سے کچرا چننے کی ویڈیو شیئر کرتے ہوئے ماحول کو صاف رکھنے کی تلقین کرتے دکھائی دیتے ہیں تو کبھی پاکستان کے نوجوان اپنی مدد آپ کے تحت سیاحتی مقامات سے کچرا اٹھانے کی مہم چلاتے دیکھائی دیتے ہیں۔
ایسی ہی ایک بحث اس وقت سوشل میڈیا کی زینت بنی جب صحافی شیراز حسن نے اپنے ٹوئٹر اکاؤنٹ پر پاکستان کے زیر انتظام کشمیر کی ایک تصویر شیئر کی جہاں ایک فیسٹول کے بعد ہر طرف کچرا نظر آرہا ہے ،انہوں نے ٹوئٹ کرتے ہوئے لکھا پاکستان کے زیرانتظام کشمیر کے پرفضا مقام نیل فیری میں منعقدہ فیسٹیول کے بعد کے مناظر
پاکستان کے زیرانتظام کشمیر کے پرفضا مقام نیل فیری میں منعقدہ فیسٹیول کے بعد کے مناظر pic.twitter.com/b0oxk0Xcwf
— Shiraz Hassan (@ShirazHassan) June 12, 2023
شیراز حسن کی ٹوئٹ کے جواب میں ایک صارف نے ویڈیو ٹوئٹ کی جس میں دیکھا جا سکتا ہے کہ کچھ نوجوان وہاں سے کچرا اٹھا رہے ہیں صارف امجد حسین بخاری نے ویڈیو ٹوئٹ کرتے ہوئے لکھا شیراز بھائی لڑکے کل سے کچرا اٹھا رہے ہیں، آج بھی مقامی رضاکار مصروف رہے مگر دن میں موسم خراب ہونے کی وجہ سے صفائی کا کام مکمل نہیں ہوسکا. منگل کو رضا کار دوبارہ سے صفائی کریں گے. اتنی بڑی تعداد میں افراد کی شرکت کے بعد ایسا ہونا اچھنبے کی بات نہیں لیکن رضا کاروں کو بھی داد دیں
شیراز بھائی لڑکے کل سے کچرا اٹھا رہے ہیں، آج بھی مقامی رضاکار مصروف رہے مگر دن میں موسم خراب ہونے کی وجہ سے صفائی کا کام مکمل نہیں ہوسکا. منگل کو رضا کار دوبارہ سے صفائی کریں گے. اتنی بڑی تعداد میں افراد کی شرکت کے بعد ایسا ہونا اچھنبے کی بات نہیں لیکن رضا کاروں کو بھی داد دیں pic.twitter.com/ml7BS7526O
— Amjad Hussain Bukhari (@AmjadHBokhari) June 12, 2023
گفتگو مزید آگے بڑھی تو کچھ صارفین حکومت کو تنقید کا نشانہ بناتے نظر آئے اور مشورہ دیتے نظر آئے کہ انتظامیہ کو ہدایات دی جائیں کہ فسٹیول کی جگہ پر کوڑا پھینکںے انتظام ہونا چاہیے وہی کچھ صارفین ایسے بھی تھے جنہوں نے فیسٹول میں شرکت کرنے والے سیاحوں کو آڑے ہاتھوں لیا ایک صارف نے لکھا جس قوم نے اپنا تعلیمی زمانہ “صفائی نصف. ایمان ہے” کے رٹے مارنے میں گزارا ہو اس سے بالکل یہی امید ہے.
جس قوم نے اپنا تعلیمی زمانہ “صفائی نصف. ایمان ہے” کے رٹے مارنے میں گزارا ہو اس سے بالکل یہی امید ہے.
— skrenata 🏳️🌈 (@skrenata) June 12, 2023
ایک اور صارف نے لکھا کاش کہ ہمارے اسکولوں میں صرف کتابیں رٹانےکی بجائےکوئی تہذیب تمیزاوراخلاقیات ہی سکھائی جاتی۔ہرجگہ گندڈالنےمیں ہم کمال بیشرمی کامظاہرہ کرتےہیں اگرکسی کومنع کریں تووہ شرمندہ ہونے کے بجائےالٹاچڑھائی کردیتاھےکہ ایساصرف میں نےتھوڑی کیاھے
کاش کہ ہمارے اسکولوں میں صرف کتابیں رٹانےکی بجائےکوئی تہذیب تمیزاوراخلاقیات ہی سکھائی جاتی۔ہرجگہ گندڈالنےمیں ہم کمال بیشرمی کامظاہرہ کرتےہیں اگرکسی کومنع کریں تووہ شرمندہ ہونیکی بجائےالٹاچڑھائی کردیتاھےکہ ایساصرف میں نےتھوڑی کیاھے
— Dr.Azfar Aziz (@AzfarAziz5) June 13, 2023
واضح رہے کہ اس سے قبل بھی ایسی تصاویر سوشل میڈیا پر شیئر کی گئی ہیں جن میں دیکھا جا سکتا ہے کہ پاکستان کے شمالی علاقہ جات کا ماحول آلودہ ہوتا جا رہا ہے جبکہ صارفین کا کہنا ہے کہ مسلمان ہونے کے ناطے ہمیں صفائی کا خاص خیال رکھنا چاہیے.
