وزیراعظم شہباز شریف کی وجہ شہرت ایک اچھے ایڈمنسٹریٹر کی ہے۔ وہ پاکستان کے سب سے بڑے صوبہ پنجاب کے3 بار وزیراعلیٰ رہ چکے ہیں، وہ اپنے دور اقتدار میں ترقیاتی کاموں میں تیز رفتاری کے باعث ’شہباز سپیڈ‘ کے نام سے بھی موسوم تھے۔
اپریل 2022 میں وزیراعظم کا عہدہ سنبھالتے ہی وہ صبح سویرے 7 بجے وزیرِاعظم ہاؤس پہنچے اور آتے ہی پہلا حکم صادر کرتے ہوئے دفتری اوقات 8 بجے کرنے کی ہدایات جاری کیں جبکہ ہفتے میں 2 تعطیلات بھی ختم کرنے کا اعلان کردیا۔
آئے روز شہباز شریف کے فعال کردار کی وجہ سے سوشل میڈیا پر بحث ہوتی رہتی ہے۔ حال ہی میں ایسی ہی ایک بحث اس وقت شروع ہوئی جب ایک صارف نے شہباز شریف کے منصوبوں کے افتتاح کی ویڈیو ٹوئیٹ کی اور لکھا کہ پاکستان میں لوگ ابھی سو کر بھی نہیں اٹھے اور وزیراعظم شہباز شریف نے اسلام آباد میں کرنل شیر خان شہید روڈ ( آئی جے پی روڈ) کاافتتاح کر دیا۔
پاکستان میں لوگ ابھی سوکر نہیں اٹھے وزیراعظم شہباز شریف نے اسلام آباد میں کرنل شیر خان شہید روڈ کا افتتاح کردیا۔ pic.twitter.com/4pE9uJGNCa
— Saif Awan (@saifullahawan40) June 14, 2023
اتنی صبح منصوبوں کا افتتاح رکھنے پر سوشل میڈیا صارفین کی جانب سے وزیراعظم شہباز شریف کو تنقید کا نشانہ بنایا جا رہا ہے۔ لوڈ شیڈنگ سے ستائے ہوئے ایک صارف نے طنزاً لکھا کہ پاکستانی عوام اس وقت بھی لوڈ شیڈنگ کی وجہ سے جاگ رہی ہے۔
نہیں جناب پاکستانی عوام لوڈ شیڈنگ کی وجہ سے جاگ رہی ہے
— Ali Haider (@saithali45) June 14, 2023
جہاں بعض صارفین نے شہباز شریف پر طنز کے تیر برسائے وہیں سابق وزیراعظم اور چیئرمین تحریک انصاف عمران خان کو بھی آڑے ہاتھوں لیتے ہوئے کہا کہ ایک شہباز شریف ہی ہیں جن کی ٹائمنگ سے آفیسر تنگ ہیں۔ ایک عمران خان تھے جو دن 12 بجے ہیلی کاپٹر پر آتے تھے۔
بھیا آفیسر بھی چاچو کی ٹامنگ سے تنگ ہیں
ایک تھا جو12 بجے ہیلی کپٹر پر آتا تھا https://t.co/tonohnDWvU— Ehtisham nasir nosahi (Saudi arab riydah) (@NasirNosahi) June 14, 2023
عمر نامی صارف نے شہباز شریف کی ویڈیو پر تبصرہ کرتے ہوئے لکھا کہ ’ٹائم کم ہے مسٹر‘۔
ٹائم کم ہے مسٹر https://t.co/6kl9vil33p
— عمر (@MuslimByNature5) June 14, 2023
ملک نزاکت اعوان نے دلچسپ انداز میں لکھا کہ شہباز شریف کو نیند کب آئے گی؟
https://twitter.com/MNA786_/status/1668839057193943041?s=20
واضح رہے کہ وزیراعظم شہباز شریف نے آج وفاقی دارالحکومت اسلام آباد میں مخلتف منصوبوں کا افتتاح کیا، جن میں کیپٹن شیر خان شہید روڈ(آئی جے پی روڈ) بھی شامل ہے جسے ازسرنو تعمیر کیا گیا ہے، سری نگر ہائی وے پر سیونتھ ایونیو کے اوور ہیڈ برج کا افتتاح بھی شامل ہے جبکہ الیونتھ ایونیو کا سنگ بنیاد رکھا گیا ہے۔
