عوامی مسلم لیگ پاکستان کے سربراہ شیخ رشید احمد نے کہا ہے کہ وقت بتائے گا میئر کی خاطر پیپلز پارٹی نے جماعت اسلامی کو دور کرکے کیا کھویا کیا پایا۔ کراچی میئر کے الیکشن کے بعد جو صاف شفاف انتخابات کے خواب دیکھ رہے ہیں کیا وہ شرمندہ تعبیر ہوں گے؟
اکثریت کے باوجود جماعت اسلامی اور پی ٹی آئی کا میئر نہیں بن سکا، کراچی کا انتخاب قومی الیکشن کا ٹریلر ہے آنکھیں کھل جانی چاہئیں۔
سابق وزیرداخلہ شیخ رشید احمد نے اپنے ٹوئیٹر پیغام میں کہا ہے کہ جمہوریت بہترین انتقام ہے جس کا عملی مظاہرہ کل پیپلز پارٹی نےکر دکھایا ہے۔ 9 لاکھ عوام کے ووٹ 3 لاکھ ووٹوں کے سامنے بے بس ہو گئے۔ منتخب ممبرز کسی کی کیا خدمت کریں گے اُن کو خود خدمت کی ضرورت ہے۔
جمہوریت بہترین انتقام ہےجس کاکل عملی مظاہرہ پیپلز پارٹی نےکردکھایاممبرکسی کی کیاخدمت کریں گےاُن کوخودخدمت کی ضرورت ہے9لاکھ عوام کاووٹ3لاکھ ووٹوں کےسامنے بےبس ہوگیاباوجوداکثریت کےجماعتی اسلامی اورPTIکامیئرنہیں بن سکاکراچی کاانتخاب قومی الیکشن کاٹریلرہےآنکھیں کھل جانی چاہیں
— Sheikh Rashid Ahmed (@ShkhRasheed) June 16, 2023
شیخ رشید کا کہنا تھا پوری دنیا ہمیں سمجھانے کی کوششیں کر رہی ہے لیکن ہم سمجھ سے عاری ہیں، حکمران ملک کو معاشی حادثے کی طرف لے کر جا رہے ہیں، آئی ایم ایف دیوالیہ ہونے سے بچانا چاہتا ہے لیکن حکمران دیوالیہ کی طرف لے جانا چاہتے ہیں تاکہ ملک میں معاشی ایمرجنسی لگا سکیں ڈیفالٹ گھر کے دروازے پر دستک دے رہا ہے۔
ان کا کہنا تھا کہ وزیر خزانہ کہتا ہے آئی ایم ایف جیو پالیٹکس کر رہا ہے ہمیں سری لنکا بنانے کے بعد مذاکرات کرے گا، شہباز شریف کی آئی ایم ایف کی سربراہ سے ایک گھنٹے کی فون پر گفتگو خاک میں مل گئی ہے۔ اسحاق ڈار کا غیرذمہ دارنہ بجٹ اُس کی زبان کا ساتھ نہیں دے رہا ہے۔
پوری دنیاہمیں سمجھانے کی کوششیں کررہی ہےلیکن ہم سمجھ سے عاری ہیں ملک کومعاشی حادثےکیطرف لےکرجارہےہیںIMFدیوالیہ ہونےسےبچاناچاہتاہےلیکن حکمران دیوالیہ کیطرف لےجاناچاہتےہیں تاکہ ملک میں معاشی ایمرجنسی لگاسکیں ڈیفالٹ گھرکےدروازےپردستک دےرہاہے
— Sheikh Rashid Ahmed (@ShkhRasheed) June 16, 2023
شیخ رشید نے کہا کہ ملک بوستان کہتا ہے کہ ڈالر 370 تک جاسکتا ہے، عوام خودکشیاں کر رہے ہیں حکمران غیر ملکی دوروں پر ہیں۔ لطیف کھوسہ جیسے نامور وکیل کے گھر حملہ خطرے کی گھنٹی ہے کوئی بھی بڑا حادثہ ہو سکتا ہے۔