ایک نئی تحقیق کے مطابق سائنسدانوں نے 16 سال سے نر کے بغیر رہنے والی مادہ مگرمچھ پر تجربے کے ذریعے 14 انڈے حاصل کر لیے، اس تجربے کو تحریری طور پر محفوظ کر لیا گیا ہے۔
معروف عرب ٹی وی چینل الجزیرہ کی رپورٹ کے مطابق محققین نے کہا ہے کہ مادہ مگرمچھ نے 2018 میں 14 انڈے پیدا کیے تھے حالانکہ تقریباً 16 سال تک مادہ مگرمچھ نر کے بغیر اکیلی رہی ہے۔
رپورٹ کے مطابق رینگنے والے جانوروں کے درمیان انڈے پیدا کرنے کے اس انوکھے واقعے کو تحریری شکل دے دی گئی ہے، یہ بات زیادہ حیران کن تب ہوئی جب ایک انڈے میں سے مکمل طور پر مگرمچھ کا بچہ پایا گیا۔
محقیقین کے مطابق جب ایک پالتو رینگنے والے جانور کو نر سے کچھ وقت کے لیے دور رکھا جائے تو اس میں صلاحیت ہوتی ہے کہ وہ انڈے پیدا کر سکے لیکن 16 سال دور رہنے کے بعد انڈے پیدا کرنا اپنی نوعیت کا پہلا واقعہ ہے۔
بدھ کو جرنل بائیولوجی لیٹرز میں شائع ہونے والی تحقیق کے مطابق سائنسدانوں نے مادہ مگرمچھ کے جنین کا جینیاتی تجربہ کیا جس میں ڈی این اے کے نمونے نظر آئے جو ایک فیکلٹیٹو پارتھینوجینیسیس (FP) کا نتیجہ تھا۔
تحقیقی مقالے میں مادہ مگرمچھ کی تصویر اور مکمل طور پر مردہ پیدا ہونے والے جنین کی تصویر پیش کی گئی۔
فیکلٹیٹیو پارتھینو جینیسیس (ایف پی) جسے کچھ سائنس دانوں نے بغیر نر کے ملاپ کے پیدائش کی ایک قسم ہے جو مچھلیوں، پرندوں، چھپکلیوں اور سانپوں کی دوسری انواع میں بھی پائی گئی ہے تاہم یہ مگرمچھ میں پائی گئی جس کی یہ پہلی معروف مثال سامنے آئی ہے۔
(FP) میں، ایک مادہ کے انڈے کا خلیہ نر کے سپرم سیل کے ذریعے فرٹیلائز کیے بغیر بچے میں نشوونما پا سکتا ہے۔
انڈے کا خلیہ بنانے میں، ایک پیشگی خلیہ چار خلیوں میں تقسیم ہوتا ہے، ایک انڈے کا خلیہ بن جاتا ہے اور کلیدی سیلولر ڈھانچے اور جیلی نما سائٹوپلازم (Cytoplasm) کو برقرار رکھتا ہے جبکہ دوسرے خلیے اضافی جینیاتی مواد رکھتے ہیں۔
پھر ان میں سے ایک خلیہ بنیادی طور پر سپرم سیل کے طور پر کام کرتا ہے اور انڈے کے ساتھ فیوز ہو کر “فرٹیلائزڈ” بن جاتا ہے۔
تحقیق کے مطابق یہ نتائج واضح کرتے ہیں کہ جب نر نہ ہو تب انڈوں کے ممکنہ قابل عمل ہونے کا اندازہ لگایا جانا چاہیے۔
ایک مفروضے کے مطابق (FP) معدومیت کے دہانے پر موجود انواع میں زیادہ عام ہو سکتا ہے۔
جس مگرمچھ پر تجربہ کیا گیا وہ امریکی مگرمچھ، (Crocodylus acutus)، ہے جسکوخطرناک سمجھا جاتا ہے اور اسے جنگل میں معدوم ہونے کا بھی خطرہ ہے۔
محقیقین کے مطابق کوسٹا ریکا میں اس نسل کے مادہ مگرمچھ سے اسکے آباؤ اجداد کے بارے میں نئی معلومات مل سکتی ہیں جو 250 ملین سال پہلے (Triassic) دور میں زمین پر چلا کرتے تھے۔
محقیقین کے مطابق یہ دریافت مگرمچھوں اور پرندوں کے معدوم ہونے والی نسلوں خاص طور پر پٹیروسوریا اور ڈائنوسوریا کے ممبران کی ممکنہ تولیدی صلاحیتوں کے بارے میں دلکش بصیرت پیش کرتی ہے۔
