پاکستان مسلم لیگ کے سینیئر رہنما چوہدری شافع حسین نے کہا ہے کہ پنجاب میں گزشتہ 4 برس کے دوران جتنی کرپشن ہوئی اس سے پہلے کبھی نہیں ہوئی۔
یوتھ کنونشن سے خطاب کرتے ہوئے انہوں نے کہا کہ وقت آگیا ہے کہ نوجوان سچ اور جھوٹ بولنے والوں میں فرق کو سمجھیں۔ 9 مئی کو جو کچھ ہوا اس کے پیچھے ایک پارٹی کا لیڈر شامل تھا۔
چوہدری شافع حسین نے کہا کہ 9 مئی کو شہدا کے مجسمے توڑے گئے، آج اگر ہم سکون کی نیند سو رہے ہیں تو اس کی وجہ پاک فوج ہے۔ نوجوان سوشل میڈیا پر منفی خبریں پھیلانے والوں کی مذمت کریں۔
ان کا کہنا تھا کہ 9 سال خیبر پختونخوا میں تحریک انصاف کی حکومت رہی لیکن ایک بھی جنرل اسپتال نہیں بنا۔ پنجاب میں ہمیں موقع ملا تو جنرل اسپتال اور ٹیکنیکل کالج میں بہتری لائیں گے۔ زراعت کے شعبے میں بھی بہت کام ہونے والا ہے۔
انہوں نے کہا کہ سیاست دان کو وہی بات کرنی چاہیے جس پر وہ عمل کر سکے۔ پنجاب میں گزشتہ حکومت نے ٹرانسفر پوسٹنگ کی مد میں بھی کرپشن کی۔
