ریسکیو 1122 نے کہا ہے کہ صوبہ پنجاب میں پنجاب میں شدید بارش کے باعث کم از کم 20 افراد جاں بحق ہو گئے ہیں۔
ریسکیو 1122 نے پیر کی سہ پہر کو ایک بیان جاری کیا ہے جس میں گزشتہ 24 گھنٹوں کے دوران صوبہ پنجاب میں شدید بارش سے ہونے والی ہلاکتوں کی تفصیل بتائی گئی ہے۔
صوبائی ایمرجنسی سروس ریسکیو 1122 کے ترجمان فاروق احمد کی طرف سے جاری کردہ بیان میں بتایا گیا ہے کہ یہ ہلاکتیں بجلی کا کرنٹ لگنے، ڈوبنے اور آسمانی بجلی گرنے سے ہوئی ہیں۔
بیان میں بتایا گیا ہے کہ نارووال میں پانچ اور شیخوپورہ میں 2 افراد آسمانی بجلی گرنے سے جاں بحق ہوئے۔ دریں اثناء صوبے میں 7 افراد ڈوب کر جاں بحق اور 6 افراد کرنٹ لگنے سے جان کی بازی ہار گئے ۔
بیان کے مطابق لاہور میں دیوار اور چھت گرنے کے واقعات میں 10، چنیوٹ میں 3 اور شیخوپورہ میں ایک شخص زخمی ہوا۔ اس کے علاوہ آسمانی بجلی گرنے سے 7 افراد زخمی ہو گئے۔
بیان میں مزید کہا گیا کہ صوبے بھر کے اسپتالوں میں کرنٹ لگنے کے 61 کیسز بھیجے گئے جن میں سے 54 کو فوری طبی امداد فراہم کر دی گئی ہے۔
شدید بارشوں کی وجہ سے اندرونی پنجاب کی سڑکیں پانی سے بھر گئیں۔ ادھربارش کی صورتحال کے پیش نظر لاہور میں ٹریفک پولیس نے شہر کے نشیبی علاقوں میں مصروف سڑکوں اور راستوں پر اضافی وارڈنز تعینات کر دیئے ہیں۔
سٹی ٹریفک آفیسر (سی ٹی او) مستنصر فیروز کی طرف سے جاری کردہ ایک بیان میں کہا گیا ہے کہ فورک لفٹر بھی مختلف مقامات پر تعینات کر دیے گئے ہیں۔
سی ٹی او نے لوگوں سے کہا کہ بارش کے دوران احتیاط برتیں، احتیاط سے گاڑی چلائیں، بجلی کی تنصیبات اور کھمبوں سے دور رہیں اور غیر ضروری سفر سے گریز کریں۔
وزیراعظم پاکستان اور پنجاب کے عبوری وزیراعلیٰ کی ہدایات
وزیر اعظم شہباز شریف نے لاہور کی صورتحال کا نوٹس لیتے ہوئے صوبائی حکومت اور ضلعی انتظامیہ کو کھڑے پانی کی نکاسی کے لیے فوری اقدامات کرنے کی ہدایت کی۔
وزیراعظم شہبازشریف کا لاہور میں سیلابی صورتحال اور شہریوں کی پریشانی کانوٹس
وزیراعظم کی صوبائی حکومت اور ضلعی انتظامیہ کو نکاسی آب کے لئے فوری اقدامات کی ہدایت
وزیراعظم کی برساتی صورتحال میں تمام متعلقہ اداروں کی ٹیموں کو متحرک کرنے کی بھی ہدایت
شہریوں کو تکلیف اور پریشانی…
— PMLN (@pmln_org) June 26, 2023
مسلم لیگ (ن) کی جانب سے جاری کردہ بیان میں وزیر اعظم کا حوالہ دیا گیا ہے اور ہدایات کی گئی ہیں کہ ’24 گھنٹے کے اندر پانی کی نکاسی کے انتظامات کریں۔’
انہوں نے حکام کو بارش کی صورتحال میں تمام متعلقہ اداروں کی ٹیموں کو متحرک کرنے اور صورتحال کی مسلسل نگرانی اور انتظامی اقدامات بہتر کرنے کی بھی ہدایت کی۔
وزیر اعظم نے شہر میں ٹریفک کے بلاتعطل روانی کو یقینی بنانے اور ملک کے دیگر حصوں میں حفاظتی اور احتیاطی اقدامات کرنے کی بھی ہدایات کی ہے ۔
سرکاری نشریاتی ادارے ریڈیو پاکستان نے رپورٹ کیا کہ پنجاب کے نگراں وزیر اعلیٰ سید محسن نقوی نے صوبائی انتظامیہ، صوبائی ڈیزاسٹر مینجمنٹ اتھارٹی، ریسکیو 1122 اور پانی اور صفائی کے ادارے کو موسلا دھار بارشوں کے باعث اگلے 24 گھنٹے الرٹ رہنے کی ہدایت کی ہے۔
رپورٹ میں کہا گیا ہے کہ وزیر نے متعلقہ افسران کو فیلڈ میں رہنے کو کہا ہے اور کہا ہے کہ نکاسی آب کے کام میں لاپرواہی برداشت نہیں کی جائے گی’۔
انہوں نے کہا کہ ضروری مشینری کے استعمال کے ساتھ بارش کے پانی کی نکاسی کو مقررہ وقت میں یقینی بنایا جائے اور ٹریفک کی بلا تعطل روانی کو یقینی بنانے کے لیے خصوصی انتظامات کیے جائیں۔
ادھر وزیر خارجہ بلاول بھٹو زرداری نے پنجاب میں آسمانی بجلی گرنے سے ہلاکتوں پر دکھ کا اظہار کیا ہے۔
پی پی پی چیئرمین و وزیر خارجہ بلاول بھٹو زرداری کا پنجاب کے مختلف علاقوں میں آسمانی بجلی گرنے کے باعث ہلاکتوں پر اظہارِ افسوس
پی پی پی چیئرمین کا رتن پور، پنچ پیر، چانگوالی، پسرور اور منڈیالہ گاؤں میں متاثرہ خاندانوں سے دلی تعزیت کا اظہار
حادثات میں اپنے پیاروں کو کھونے والے…
— PPP (@MediaCellPPP) June 26, 2023
