پاکستانی کرکٹ ٹیم کے کپتان بابر اعظم فریضہ حج ادا کرنے کے بعد وطن واپس پہنچ گئے ہیں۔
حج کے اس سفر کے دوران بابر اعظم کی والدہ بھی ان کے ہمراہ تھیں۔
Apni Jannat k saath khudaye buzrugo bartar Ki baargah me haazri. 🕋 #Hajj pic.twitter.com/RHECx28PMY
— Babar Azam (@babarazam258) June 28, 2023
پاکستانی کرکٹ ٹیم کے دیگر کھلاڑیوں محمد رضوان، فخر زمان، فہیم اشرف اور محمد افتخار نے بابراعظم کے ہمراہ حج ادا کیا۔
Time to go back home. Shukar Alhamdulillah. #Hajj2023 🕋 pic.twitter.com/pdhpbr140p
— Iftikhar Ahmad (@IftiMania) July 1, 2023
اپنی والدہ کے ہمراہ وطن واپسی پر بابر اعظم نے اپنے بھائی کے یوٹیوب چینل پر گفتگو کرتے ہوئے کہا کہ حج جوانی کی عبادت ہے، موقع ملے تو جوانی ہی میں حج کر لیں، جتنی تاخیر کریں گے اتنی مشکل ہوگی۔
انہوں نے مزید کہا کہ امی نے بھی بہت ہمت دکھائی اور اپنا حج مکمل کیا۔
بابر اعظم کا مزید کہنا تھا کہ حج ایک مشکل عبادت ہے، حج مکمل کرنے کے لیے بہت ہمت چاہیے، مجھے وہاں جانے والے بزرگ حاجیوں سے بڑی حوصلہ افزائی ملی ہے کہ کیسے اللہ کو راضی کرنے کے لیے ان لوگوں نے ہمت دکھائی۔
انہوں نے حج پر جانے والوں کو مشورہ دیا کہ جو بھی حج کرنے جائے واک کر کے جائے۔
بابر اعظم کی فیملی نے گھر پہنچتے ہی ان کا بہت گرم جوشی سے استقبال کیا اور بابر اعظم نے آتے ہی اپنے بلّوں کا پوچھا کہ میرے بلّے کہاں ہیں؟
بابر اعظم کی بلا نکالتے ہوئے ویڈیو بھی سوشل میڈیا پر وائرل ہو رہی ہے۔
Cricket to love hai Babar ka b fans ka b🥹❤️#BabarAzam𓃵 pic.twitter.com/HVK3k41SJJ
— Kiran Batool🏏🇵🇰 (@batool8918) July 3, 2023
بابر اعظم نے عام حاجیوں کی طرح حج ادا کیا تھا، ان کی زمین پر سونے کی تصاویر اور ویڈیوز سوشل میڈیا پر اب بھی گردش کر رہی ہیں۔
واضح رہے کہ بابراعظم اس سے پہلے ہارورڈ یونیورسٹی میں ایک کورس کے سلسلے میں امریکا گئے تھے۔ امریکا میں قیام کے دوران کپتان بابر اعظم نے وکٹ کیپر بیٹر محمد رضوان کے ہمراہ سپورٹس مینجمنٹ کا شارٹ کورس مکمل کیا تھا۔
بابر اعظم نے آج پاکستانی کرکٹ ٹیم کے تربیتی کیمپ کو جوائن کر لیا ہے۔
King Babar Azam has Joined the Practice Camp In Karachi ahead of Sri Lanka Tour 🔥👑#BabarAzam #BabarAzam𓃵
— King Babar Azam Army (@kingbabararmy) July 4, 2023
