لاہور میں مسلسل بارش کی وجہ سے اربن فلڈنگ کی صورتحال پیدا ہو گئی ہے، نشیبی علاقوں میں کئی کئی فٹ پانی جمع ہو گیا ہے جس سے گاڑیاں اور موٹر سائیکل پانی میں ڈوب گئے ہیں اور سڑکیں نہروں کا منظر پیش کر رہی ہیں۔
نگران صوبائی وزیر کھیل وہاب ریاض نے بھی بارش زدہ علاقوں کا دورہ کیا جس کی ویڈیو سوشل میڈیا پر وائرل ہو گئی، جس میں دیکھا جا سکتا ہے کہ وہاب ریاض گاڑی قدرے تیز چلاتے ہوئے جا رہے ہیں اورنزدیک سے گزرتے موٹر سائیکل سواروں پر سڑک پر جمع پانی کی بوچھاڑ ہو رہی ہے، ویڈیو وائرل ہونے کے بعد صارفین کی جانب سے انہیں شدید تنقید کا نشانہ بنایا جا رہا ہے۔
وقاص امجد نامی صارف لکھتے ہیں کہ کس طرح سے وزیر کھیل وہاب ریاض پاکستانی عوام پر بارش کا پانی اچھال رہے ہیں اور کہنے کو یہ عوام کی خدمت کے لیے نکلے ہیں۔
اس 14 سیکنڈ کی ویڈیو کو پورا دیکھیں کس طرح سے وزیر کھیل جناب وہاب ریاض پاکستانی عوام پر بارش کا پانی اچھال رہے ہیں
اور کہنے کو یہ عوام کی خدمت کے لیے نکلے ہیں۔۔
بندر کے ہاتھ ماچس لگ گئی ہے pic.twitter.com/cchkJlyJLB— Waqas Amjad ( محترم ) (@waqas_amjaad) July 5, 2023
صحافی مغیث علی نے طنزاً ٹوئٹ کرتے ہوئے لکھا کہ نگران صوبائی وزیر کھیل وہاب ریاض لمبے بوٹ پہن کر بارش کا پانی چیک کر رہے ہیں۔
وہاب ریاض لمبے بوٹ پہن کر بارش کا پانی چیک کررہے ہیں۔۔!!! pic.twitter.com/igD70b37PE
— Mughees Ali (@mugheesali81) July 5, 2023
ایک صارف کو ایسے وقت میں وزیراعظم شہباز شریف کی یاد ستانے لگی اور انہوں نے وہاب ریاض کو شہباز شریف سے تشبیہہ دیتے ہوئے لکھا کہ بوٹ شہباز شریف جیسے پہنے ہیں، کمیرہ مین بھی انہی کا ہے اور ایکٹنگ بھی ہو بہو ان جیسی ہے بس بندہ وہاب ریاض عرف شہباز ساشے ہے۔
بوٹ شہباز شریف کے کیمرہ مین شہباز شریف کا ایکٹنگ بھی شہباز شریف والی بس بندہ وہاب ریاض عُرف شہباز ساشے ہے pic.twitter.com/7KenKjBu3N
— Naseem Khaira (@Naseem_khera) July 5, 2023
رائے ثاقب کھرل نے تنقید کرتے ہوئے لکھا کہ لاہور میں جب بھی بارش ہوتی ہے تب تب ایک مسیحا تصویریں کھنچوانے کے لیے نکل آتا ہے۔
لاہور میں جب جب بارش ہوتی ہے تب تب ایک مسیحا فوٹوز کھنچوانے نکلتا ہے
— Rai Saqib KharaL (@iRaiSaqib) July 5, 2023
صحافی عارف ملک نے بھی وہاب ریاض کو آڑے ہاتھوں لیا ور کہا کہ وہاب ریاض کا سیاست سے کوئی لینا دینا نہیں ہے لیکن تشہیر کے لیے یہ لوگ کیا کچھ نہیں کرتے اور جب ان سے اانتخابات کرانے سے متعلق سوال کیا جائے تو اس پر غصے میں آ جاتے ہیں۔
وہاب ریاض اچھی فیلڈنگ کرتے ہوئے ۔۔ابھی انکا سیاست سے کوئی لینا دینا نہیں ہے لیکن تشہیر کے لیے کیا کچھ کرتے ہیں یہ لوگ اگر ان سے پوچھ لو کہ آپکا ایک ہی کام تھا الیکشن کروانا اس پر بات پر جناب تلملا اٹھتے ہیں ۔ pic.twitter.com/d70p00KQ8x
— Arif Malik (@arifawan779) July 5, 2023
واضح رہے کہ اس سے قبل پاکستانی فاسٹ بالر شاہنواز دھانی نے بھی ٹوئٹ کی تھی جس پر وزیرِ خارجہ بلاول بھٹو کا کا ماضی میں دیا گیا مشہورِ زمانہ جملہ ‘جب بارش ہوتی ہے تو پانی آتا ہے اور جب زیادہ بارش ہوتی ہے تو زیادہ پانی آتا ہے‘ ٹوئٹ کیا لیکن بعد ازاں اس کو سماجی رابطوں کی سائیٹ ٹوئٹر سے ڈیلیٹ کر دیا۔
