’ سابق وزیراعظم عمران خان تہذیب سے عاری ہیں‘ سوشل میڈیا صارفین کی تنقید

سابق وزیراعظم پاکستان اور چیئرمین تحریک انصاف عمران خان نے سینئر قانون دان اور سپریم کورٹ بار ایسوسی ایشن کے سابق صدر قاضی انور کو ’انصاف لائرز فورم خیبرپختونخوا‘ کا صدر اور سید قیصر علی شاہ ایڈووکیٹ کو جنرل سیکرٹری مقرر کر دیا۔

سماجی رابطوں کی سائٹ ٹوئٹر پر عمران خان کی ایک تصویر وائرل ہو رہی ہے جس میں عمران خان کو کرسی پر بیٹھے دیکھا جا سکتا ہے جبکہ ان کے دائیں جانب سیر قیصر علی شاہ اور بائیں جانب سینئر قانون دان قاضی انور صاحب کھڑے ہیں۔

یہ تصویر سوشل میڈیا پر خوب وائرل ہوئی اور صارفین کی جانب سے عمران خان کو شدید تنقید کا نشانہ بنایا جا رہا ہے کہ ایک بزرگ شخصیت قاضی محمد انور کو دائیں طرف کھڑا کر کے عمران خان خود کرسی پر بیٹھے ہیں۔

خالد حسین تاج نامی صارف لکھتے ہیں کہ قاضی انور سپریم کورٹ بار کے سابق صدر اور سابق وائس چیئرمین بارکونسل بھی رہ چکے ہیں اور جسٹس وقار سیٹھ کے استاد بھی رہے ہیں، عمران خان کو قاضی انور کی عزت میں کھڑا ہونا چاہیے تھا جن کی عمر 85 برس سے زائد ہے لیکن عمران خان خود بیٹھے ہیں اور قاضی صاحب کھڑے ہیں۔

وکلا برادری میں قاضی انور صاحب کی بہت بڑی عزت ہے قاضی انور سپریم کورٹ بار کے سابق صدر اور سابق وائس چیرمین بار کونسل بھی رہ چکا ہے جسٹس وقار سیٹھ مرحوم کا استاد بھی ہے عمر 85 سال سے زیادہ ہے عمران خان خود بیٹھا ہے قاضی صاحب کھڑا ہے عمران کو ان کی Respect میں کھڑا ہونا چاہئے تھا pic.twitter.com/S3Z4zhP7K1

— Khalid Hussain Taj (@KhalidHusainTaj) July 5, 2023

صحافی مطیع اللہ جان نے لکھا کہ قاضی انور صاحب کو ایسے تصویر نہیں کھنچوانی چاہیے تھی۔

قاضی انور صاحب کو ایسے تصویر نہیں کھچوانی چاہئیے تھی https://t.co/OYuZailEvr

— Matiullah Jan (@Matiullahjan919) July 5, 2023

سابق وزیراعظم عمران خان پر تنقید کرتے ہوئے شفیق احمد ایڈووکیٹ لکھتے ہیں کہ عمران خان تو ٹانگ پر ٹانگ رکھ کر کرسی پر براجمان ہیں، سابق سینیٹر قاضی انور ہی اپنے نام، عہدوں اور بزرگی کی لاج رکھ لیتے۔

سابق اٹارنی جنرل آف پاکستان،سابق صدر سپریم کورٹ بار ایسوسی ایشن اور سابق سینیٹر قاضی انور اپنے نام، عہدوں اور اپنی بزرگی کی لاج رکھ لیتے کیونکہ عمران نیازی تو بےشرم ہے کہ ٹانگ پر ٹانگ رکھ کر بیٹھا ھوا ہے pic.twitter.com/4MsNOCdc0h

— Shafiq Ahmad Adv (@ShafiqAhmadAdv3) July 5, 2023

شمع جونیجو لکھتی ہیں کہ عمران خان تو تہذیب سے عاری ہیں لیکن قاضی صاحب کو اپنی عزت کا خیال رکھنا چاہیے تھا وہ کیسے ایک چوکیدار کی طرح کھڑے ہیں۔

عمران خان تو ہے ہی بے شرم اور تہذیب سے عاری لیکن قاضی انور کو تو اپنی عزت کا خیال رکھنا چاہئیے تھا، کس طرح ایک چوکیدار کی طرح کھڑے ہیں-
شرمناک! pic.twitter.com/irTOHGzTO6

— Shama Junejo (@ShamaJunejo) July 5, 2023

ایک صارف نے لکھا کہ 3 کرسیاں ہونی چاہیے تھیں تاکہ یہ تینوں حضرات کرسی پر بیٹھتے یا پھر تینوں ہی کھڑے ہو کر تصویر بنواتے لیکن خان صاحب کو تو ہر جگہ خود کو ممتاز دکھانے کا شوق ہے۔

خان صاحب کو ہر جگہ خود کو ممتاز دکھانے کا شوق ہے اگر یہاں 3 کرسیاں ہوتیں اور یہ تینون کرسیوں پر بیٹھے ہوتے یا تینوں کھڑے ھوتے۔
یاد رھے سابق اٹارنی جنرل قاضی انور کی عمر 85 سال سے زائد ھے۔ pic.twitter.com/GK25CRFPbr

— میٹھا بول (@JuGno_Bloch) July 5, 2023

صحافی وقار ستی نے غالب کے شعر کا سہارا لیتے ہوئے عمران خان پر تنقید کے نشتر برسائے کہ کعبہ کس منہ سے جاؤ گے غالب، شرم تم کو مگر نہیں آتی۔