وزیراعظم شہبازشریف نے کہا ہے کہ پاکستان دنیا میں امن اور خوشحالی کا فروغ چاہتا ہے۔ تعلیم، آئی ٹی اور خواتین کو بااختیار بنانے کے لیے پاکستان کردار ادا کرتا رہا ہے۔ پاکستان خطے میں تناؤ نہیں چاہتا ہے۔
پاکستان اور سوئٹزرلینڈ کے درمیان قدرتی آفات سے نمٹنے کے لیے تعاون پر مفاہمتی یادداشت پر دستخط ہو گئے ہیں، چیئرمین این ڈی ایم اے اور سوئس وزیر خارجہ نے یادداشت پر دستخط کیے۔ تقریب سے خطاب میں وزیراعظم شہباز شریف نے کہا کہ پاکستان دنیا میں امن اور خوشحالی کا فروغ چاہتا ہے۔
سوئس وزیر خارجہ اگنازئیو کاسیس نے کہا کہ پاکستان کے ساتھ تعلقات مضبوط کرنا چاہتے ہیں۔ سوئٹرزلینڈ قدرتی آفات سے نمٹنے کے لیے پاکستان کی مدد کرے گا۔ سوئٹزرلینڈ نے 2010 کے تباہ کن سیلاب میں بھی پاکستان کی مدد کی تھی۔ تقریب میں وزیر اطلاعات مریم اورنگزیب اور وزیر موسمیاتی تبدیلی شیری رحمان بھی موجود تھیں۔