پاکستان تحریک انصاف کی جیل بھرو تحریک کا معاملہ ,پی ٹی آئی کا جیل بھرو تحریک کے حوالے سے اہم فیصلہ سامنے آگیا ہے۔
میڈیا ذرائع کے مطابق سامنے آنے والے اس فیصلے کے مطابق جیل بھرو تحریک میں پارٹی ٹکٹ پر الیکشن میں حصہ لینے والے امیدوار گرفتاریاں نہیں دیں گے ۔پارٹی ذرائع کے مطابق یہ امیدوار اپنی انتخابی مہم پر توجہ دیں گے۔
پی ٹی آئی کے فیصلے کے مطابق انتخابات میں حصہ لینے والے پارٹی امیدواروں کو فیصلے سے آگاہ کر دیا گیا ہے کہ وہ اپنی تمام تر توجہ انتخابات کی تیاریوں کی طرف دیں تاہم بوقت ضرورت جیل بھرو تحریک میں مرکزی اور صوبائی رہنماؤں سمیت کارکنان بھی اپنی گرفتاریاں دیں گے۔
ذرائع کے مطابق پہلے مرحلے کے طور پر ورکرز کو گرفتاریاں دینے کے لیے خود کو ذہنی طور پر تیار رہنے کا کہہ دیا گیا ہے۔
