پاکستان کرکٹ بورڈ (پی سی بی) کی جانب سے جمعرات کو پاکستان سپر لیگ (پی ایس ایل) کے آٹھویں ایڈیشن کے لیے ٹرافی کی رونمائی کی گئی۔
لاہور کے شالیمار گارڈن میں پی سی بی کی جانب سے ‘سپرنووا ٹرافی’ کی رونمائی کی گئی جو چوبیس قیراط سونے سے بنائی گئی ہے۔
سماجی رابطوں کی ویب سائٹ ٹویٹر پر ٹویٹ کرتے ہوئے پی سی بی کی جانب سے لکھا گیا کہ خوبصورت شالیمار گارڈن میں چوبیس قراط سے بنی خوبصورت ٹرافی جس کے تین ستونوں پر 9,907 چمکتے زرقون پتھر سے جڑے ہوئے ہیں، جو قومی ٹیم کے اتحاد، جذبہ، طاقت کے نعرے کی عکاسی کرتی ہے۔
The gorgeous Shalimar Gardens was the venue of the unveiling of 24 karat #HBLPSL8 Trophy, which is studded with 9,907 sparkling zircon stones on its three pillars, reflecting national team’s motto of Unity, Passion, Strength
Read more➡️https://t.co/36WnBnkOov#SabSitarayHumaray pic.twitter.com/HD1KWQoHZD
— Pakistan Cricket (@TheRealPCB) February 9, 2023
تقریب میں پی سی بی مینجمنٹ کمیٹی کے چیئرپرسن نجم سیٹھی اور کرکٹرز سمیت دیگر لوگوں نے شرکت کی۔جیو نیوز کے مطابق اس موقع پر نجم سیٹھی نے گفتگو کرتے ہوئے کہا کہ پی ایس ایل ان کے دل کے بہت قریب ہے اور وہ ہر سال اسے مزید بڑا، بہتر اور مضبوط بنانے کے لیے پرعزم ہیں۔
انہوں نے مزید کہا، “سپرنووا ٹرافی پاکستانی عوام کے جذبے اور استقامت کا ثبوت ہے اور یہ کھلاڑیوں کی آنے والی نسلوں کے لیے تحریک کا ذریعہ ہے۔”
پی ایس ایل کے آغاز سے قبل ہی شائقین کرکٹ کا جوش و خروش قابل دید ہے یہی وجہ ہے کہ سماجی رابطوں کی ویب سائٹس پر ٹرافی کی تصاویر وائرل ہونا شروع ہوگئی ہیں۔
صارفین کی جانب سے پیشن گوئیاں کی جا رہی ہیں کی ان کی پسندیدہ ٹیم ہی یہ ٹرافی اپنے گھر لے کے جائی گی۔
ٹویٹر صارف نے اسی حوالے سے گفتگو کرتے ہوئے لکھا کہ جس حساب سے چمک رہی ہے یہ ہماری ہے
لگدی لاہور دی آ۔ جس حساب نال چمکدی آ
— ᴬᴴᴹᴱᴰ ᴿᴬᶻᴬ 💎 (@AhmedRaxa39) February 9, 2023
وہی کچھ صارفین کو پی ایس ایل ٹیموں کے کپتان کی شرکت نہ کرنے کی وجہ سمجھ میں نہیں آئی اور لکھا کپتان کہاں ہیں؟
واضح رہے کہ پی ایس ایل 8 کا پہلا میچ 13 فروری کو ہوگا جس میں لاہور قلندرز اور ملتان سلطانز کی ٹیمیں ملتان کرکٹ اسٹیڈیم میں آمنے سامنے ہوں گی۔ فائنل 19 مارچ کو قذافی سٹیڈیم میں کھیلا جائے گا۔
