بہت سے لوگوں نے بھارت میں ایوشمان کھرانہ کی فلم ’بالا ‘ تو دیکھی ہو گی، جس میں یہ بتانے کی کوشش کی گئی ہے کہ گنجے مردوں کو کن حالات سے گزرنا پڑتا ہے، فلم میں دکھایا گیا ہے کہ ایک شخص جو خاتون سے بے انتہا پیار کرتا ہے وہ اس کے گنجا ہونے کے بعد اسے چھوڑ دیتی ہے۔
یہ تو ذکر تھا فلم کا لیکن اس کا عملی مظاہرہ بھارت میں ہی ایک واقعہ کے طور پر سامنے آیا ہے، بھارتی ریاست بہار کے ضلع ’گیا‘ کے ایک علاقے باجوڑہ گاؤں میں ایک دولہے کی شادی کی تقریب کے دوران گنجے پن کو چھپانے پر سسرالیوں نے دھلائی کر دی، گنج پن چھپانے کی پاداش میں دلہن کے خاندان والوں نے اسے تقریب کے دوران ہی آڑے ہاتھوں لیا اور تھپڑوں اور مکوں کی بارش کر دی۔
Bald groom thrashed fiercely after being exposed in Gaya, the man had reached for second marriage by wearing fake hair. The case is of Bajaura village under Dobhi police station. Video viral on social media.
#Gaya #ViralVideo #Bihar #BiharPolice pic.twitter.com/UzvsxOGAhL— Siraj Noorani (@sirajnoorani) July 12, 2023
اس پورے واقعے کی ویڈیو سوشل میڈیا پر وائرل ہو گئی، جس میں دلہن والے اس شخص کو تھپڑ مارتے اور گالی گلوچ کرتے ہوئے دیکھے جاسکتے ہیں، جب کہ دولہا ہاتھ جوڑ کر التجا کر رہا ہے۔ مارپیٹ کی اصل وجہ اس وقت سامنے آئی جب دولہا شادی کی پوری تقریب میں ’وگ‘ (مصنوعی بال) پہن کر گھومتا پھرتا رہا۔ کہ اچانک دلہن کے رشتہ داروں کو اس پر شک ہوا اور اس کے سر پر سے مصنوعی بال (وگ) اکھاڑ پھینکے۔
دلہن کے رشتہ داروں کا کہنا تھا کہ اس نے دھوکہ دیا اور جھوٹ بولا، اس نے نہیں بتایا کہ اس کے سر پر بال نہیں اور وہ وگ پہنے ہوئے ہے۔ دولہے کے بار بار معافی مانگنے کے باوجود دلہن کے اہل خانہ اپنی شکایت گاؤں کی پنچایت کے پاس لے گئے۔ اطلاعات کے مطابق اس سارے واقعے میں پولیس ملوث نہیں ہوئی اور صورتحال کو پنچایت کی سطح پر حل کیا گیا۔
