فوج کے شعبہ تعلقات عامہ نے پاکستانی فوج کے سربراہ جنرل عاصم منیر کے دورہ امریکہ سے متعلق سوشل میڈیا پر گردش ہونے والی اطلاع کو ’بےبنیاد قیاس آرائی‘ قرار دیا ہے۔
جمعرات کو جاری کردہ آئی ایس پی آر کی وضاحت میں بتایا گیا ہے کہ چیف آف آرمی اسٹاف جنرل سید عاصم منیر برطانیہ کے دورے پر ہیں۔
There have been baseless speculations on social media that COAS is visiting USA. It is categorically stated that COAS is on an official visit to UK from 5th to 10th February in connection with 5th Pakistan-UK Stabilisation Conference
1/2— DG ISPR (@OfficialDGISPR) February 9, 2023
ڈائریکٹر جنرل آئی ایس پی آر کی جانب سے حالیہ ٹوئیٹ میں کہا گیا ہے کہ چیف آف آرمی اسٹاف پانچ تا 10 فروری کے دوران پانچویں پاکستان برطانیہ اسٹیبلائزیشن کانفرنس کی وجہ سے برطانیہ میں ہیں۔
آئی ایس پی آر کے مطابق یہ دونوں ملکوں کی افواج کے مابین عسکری سطح پر ہونے والی مستقل سرگرمی ہے جس میں پاکستان کی سینیئر عسکری قیادت 2016 سے اس سرگرمی میں شرکت کرتی آئی ہے۔