چیئرمین پاکستان تحریک انصاف (پی ٹی آئی) عمران خان ٹوئٹر اور دیگر سوشل میڈیا سائٹس کے بعد اب ’ٹک ٹاک‘ پر بھی چھا گئے ہیں اور ایک ہی دن میں فالوورز کی تعداد 17 لاکھ تک جا پہنچی ہے۔
A million followers & 100 million views in less than a day!
Such is the brand that is IMRAN KHAN!#ووٹ_صرف_خان_کا pic.twitter.com/d1lwyfAwDT— PTI (@PTIofficial) July 18, 2023
عمران خان کے سوشل میڈیا اکاؤنٹس کی اگر بات کی جائے تو وہ اب تک تقریباً تمام سوشل میڈیا پلیٹ فارمز پر سب سے زیادہ فالوورز رکھنے والے پاکستانی سیاست دان ہیں۔
ٹک ٹاک پر ایک ہی روز میں 1.7 ملین فالوورز ہونے پر عمران خان نے اپنے چاہنے والوں کا شکریہ ادا کیا ہے۔
واضح رہے کہ چیئرمین پاکستان تحریک انصاف عمران خان نے 17 جولائی کی رات کو ٹک ٹاک جوائن کیا جس کا اعلان پی ٹی آئی کے آفیشل ٹوئٹر اکاؤنٹ سے کیا گیا تھا۔ جس کے بعد دیکھتے ہی دیکھتے ان کے چاہنے والوں نے ٹک ٹاک پر چیئرمین پی ٹی آئی کو فالو کرنا شروع کر دیا۔
Chairman Imran Khan is joining TikTok today to connect with the Youth of Pakistan who has impressed him with their political acumen and presentation skills. Link to TikTok profile: https://t.co/5S7wpXkvsK#ComingSoonOnTikTok pic.twitter.com/If7aOpRGP7
— PTI (@PTIofficial) July 17, 2023
یہ بھی واضح رہے کہ 9مئی کے واقعات اور گرفتاری کے بعد جہاں مین اسٹریم میڈیا پر ان کی کوریج نہ ہونے کے برابر ہے وہاں بعض ناقدین کا خیال ہے کہ وہ آہستہ آہستہ سوشل میڈیا کی جنگ بھی ہار رہے ہیں۔
تحریک انصاف کے چیئرمین عمران خان سوشل میڈیا کے ایک منجھے ہوئے کھلاڑی سمجھے جاتے ہیں۔ انہیں سوشل میڈیا کے ذریعے اپنا بیانیہ بنانا اور اس بیانیے کو وسیع پیمانے پر عوام تک پہنچانے کا فن خوب آتا ہے۔ یہی وجہ ہے کہ عمران خان اس وقت سیاسی میدان میں بے شک جتنی بھی مشکلات کا سامنا کر رہے ہوں لیکن سماجی رابطوں کی ویب سائٹس پر آئے روز کسی نہ کسی ٹرینڈ کا سبب ضرور ہوتے ہیں۔
