اسلام آباد میں ڈرون کیمروں کے استعمال پر دفعہ 144 نافذ کر دی گئی۔ خلاف ورزی کرنے والوں کے خلاف دفعہ 144 کے تحت کارروائی کی جائے گی۔
’آفس آف ڈپٹی کمشنر اسلام آباد‘ کے ٹوئٹر ہینڈل سے کی جانے والی ٹوئٹس میں مطلع کیا گیا ہے کہ ضلعی انتظامیہ اسلام آباد ڈرون کیمروں پر پابندی عائد کر دی ہے۔
ٹوئٹ میں منسلک ایڈیشنل ڈسٹرکٹ مجسٹریٹ کے دستخط سے جاری نوٹیفیکیشن کے مطابق ڈرون کیمروں کے استعمال پر عائد پابند کی خلاف ورزی کرنے والوں کے خلاف دفعہ 144 کے تحت کارروائی کی جائے گی۔
نوٹیفکیشن کے مطابق اسلام آباد میں آج سے دو ماہ تک ڈرون کیمروں پر پابندی برقرار رہے گی۔
ڈپٹی کمشنر اسلام آباد نے تمام اسسٹنٹ کمشنرز، مجسٹریٹس اور اسلام آباد پولیس کو نوٹیفیکیشن اور ان ہدایات پر سختی سے عمل کروانے کی تاکید کی ہے۔
واضح رہے کہ قبل ازیں آج ہی کے روز ضلعی انتظامیہ اسلام آباد نے محرم الحرام 2023 کے دوران نے موٹر سائیکل کی ڈبل سواری پر بھی پابندی عائد کر دی ہے، اور اس پابندی خلاف ورزی کرنے والوں کے خلاف بھی دفعہ 144 کے تحت کارروائی کا انتباہ دیا تھا۔ تاہم اس نوٹیفکیشن کا اطلاق آج سے دس دن تک کے لیے کیا گیا ہے۔
