امریکی سینٹرل کمانڈ کے سربراہ جنرل مائیکل ایرک کوریلا کا دورہ پاکستان، آرمی چیف جنرل سید عاصم منیر سے ملاقات کی جس میں اطراف نے باہمی دلچسپی کے امور، دفاعی تعاون پر تبادلہ خیال اور دوطرفہ تعلقات کو مزید فروغ دینے کی خواہش کا اظہار گیا ہے۔
آئی ایس پی آرکے مطابق آرمی چیف جنرل سید عاصم منیر سے چیف امریکی سینٹکام جنرل مائیکل ایرک کوریلا نے ملاقات کی ہے۔ ملاقات میں باہمی دلچسپی کے امور اور علاقائی صورتحال کے علاوہ دونوں ممالک کے درمیان دفاعی شعبہ میں تعاون پر بھی تبادلہ خیال کیا گیا ہے۔ اطراف نے تمام شعبوں میں دوطرفہ تعلقات کو مزید فروغ دینے کی خواہش کا اظہار کیا۔ سینٹکام چیف نے دہشت گردی کے خلاف جنگ میں پاکستان آرمی کی کامیابیوں کو سراہتے ہوئے علاقائی امن و استحکام کے لئے پاکستان کی کوششوں کی تعریف کی۔
