بلوچستان میں ریکوڈک منصوبے کا غیر ملکی سفارتکاروں نے بھی خیر مقدم کیا ہے اور امید ظاہر کی ہے کہ اس منصوبے سے پاکستان کو مائننگ اور میٹل انڈسٹری میں بڑی کامیابی ملے گی۔
وفاقی حکومت اور پاک فوج کے تعاون سے پاکستان کے شعبہ معدنیات میں ترقی کے منصوبوں سے متعلق کینیڈین ہائی کمشنر لیسلی سکین لون نے اپنے خیالات کا اظہار کرتے ہوئے کہا ہے کہ ’مجھے بہت خوشی ہو رہی ہے کہ پاکستان کی وفاقی و صوبائی حکومتوں کی شراکت داری سے بلوچستان میں اتنی شاندار سرمایہ کاری کی جا رہی ہے۔‘
سرمایہ کاری کے لیے ریکوڈک سے بہتر کوئی منصوبہ نہیں ہو سکتا، کینیڈین ہائی کمشنر
لیسلی سکین لون کا کہنا ہے کہ وہ اندازہ لگا سکتی ہیں کہ ’ریکوڈیک‘ پاکستان میں بہت کامیابی لے کر آئے گا اور وہ بہت خوش ہیں کہ کینیڈا نے اس منصوبے پر سرمایہ کاری کی۔
بلوچستان میں ریکوڈک منصوبے کا غیر ملکی سفارتکاروں نے بھی خیر مقدم کیا ہے اور امید ظاہر کی ہے کہ اس منصوبے سے پاکستان کو مائننگ اور میٹل انڈسٹری میں بڑی کامیابی ملے گی۔ دیکھیں یہ رپورٹ#Balochistan #Mines #WENews pic.twitter.com/SgF2CGnxtY
— WE News (@WENewsPk) August 3, 2023
کینیڈین ہائی کمشنر نے کہا کہ غیر ملکی کمپنیوں کو پاکستان میں سرمایہ کاری کے لیے راغب کرنے اور تجارت کو فروغ دینے کے لیے ریکوڈک سے بہتر کوئی منصوبہ نہیں ہوسکتا۔
پاکستان کان کنی اور دھاتوں کی صنعت میں عالمی کھلاڑی بن سکتا ہے، سینیئر ایڈوائزر آر این اے
آر این اے کے سینیئر ایڈوائزر کا کہنا ہے کہ پاکستان توانائی کے شعبے میں کاپر اور اہم میٹلز کا عالمی سپلائر بھی سکتا ہے اور پاکستان کے پاس کان کنی اور دھاتوں کی صنعت میں عالمی کھلاڑی بننے کی صلاحیت موجود ہے۔
پٹرولیم ڈویژن کے جوائنٹ سیکریٹری شہباز طاہر نے کہا ہے کہ ریکوڈک کے ذریعے دھات اور کان کنی کے شعبے میں وفاقی اور صوبائی حکومتوں سمیت تمام اسٹیک ہولڈرز بشمول تاجر، سرمایہ کار، سیاسی لیڈرشپ ایک ویژن کے ساتھ کام کر رہے ہیں۔
چیف جیولوجسٹ ایف ڈبلیو او فیصل خان کا کہنا ہے کہ ’ہمارے منصوبے پورے پاکستان میں شروع کیے جاچکے ہیں اور وزیرستان میں کاپر کے بڑے پیمانے پر منصوبے چل رہے ہیں۔‘
