وزیراعظم محمد شہبازشریف اور سابق صدر آصف علی زرداری نے ضیاء محی الدین کے انتقال پر اظہار تعزیت کیا ہے۔ وزیراعظم کا کہنا تھا ضیاءمحی الدین کی آواز ہمارے ذہنوں میں گونجتی رہے گی۔ ان کے مخصوص انداز نے پاکستان سمیت دنیا بھر میں دھوم مچائی ۔
شہباز شریف نے مزید کہا افسوس ہے کئی خوبصورت خوبیوں کا مالک معاشرے سے کوچ کر گیا۔ ضیاء محی الدین نے پاکستان میں ٹیلی ویژن ہوسٹنگ کو ایک نئی جہت سے روشناس کروایا اور بین الاقوامی سطح پر اداکاری کے ذریعے پاکستان کا نام بیرون ملک روشن کیا ۔
سابق صدر آصف علی زرداری نے ضیاء محی الدین کے انتقال پر اظہار افسوس کیا۔ ان کا کہنا تھا ضیاء محی الدین کی منفرد آواز اور صدا کاری ہمیشہ یاد رکھی جائے گی۔ زرداری نے مرحوم کے خاندان سے اظہار تعزیت اور ضیاء محی الدین کی مغفرت اور بلند درجات کیلئے دعا بھی کی ۔
