نوابشاہ کے قریب کراچی سے ایبٹ آباد جانے والی ہزارہ ایکسپریس ٹرین گزشتہ روز حادثے کا شکار ہوگئی جس کے نتیجے میں ٹرین کی متعدد بوگیاں پٹڑی سے اتر گئیں اور کچھ بوگیاں الٹ بھی گئیں جس کے باعث 30 افراد جاں بحق اور 80 سے زائد زخمی ہوگئے۔ ٹرین حادثے کی خبر سوشل میڈیا کی زینت بنی تو صارفین نے جائے وقوعہ کی مختلف تصاویر اور ویڈیوز شئیر کرنا شروع کردی ، ویڈیوز میں دیکھا جا سکتا ہے کہ حادثے کی جگہ قیامت کا منظر پیش کر رہی ہے وہیں کچھ ایسے لوگ بھی تھے جو اپنی مدد آپ کے تحت زخمیوں کی مدد کو آپہنچے۔
ایسے ہی ایک پوسٹ سماجی رابطوں کی ویب سائٹ کی زینت بنی جس میں بتایا گیا کہ حادثے کے بعد زخمیوں کی تعداد میں مسلسل اضافہ ہورہا ہے یہی وجہ ہے کہ زخمیوں کو خون کی اشد ضرورت پڑ رہی ہے، صحافی فیض اللہ خان نے سماجی رابطے کی ویب سائٹ پر کچھ تصاویر شئیر کرتے ہوئے لکھا نوابشاھ کے قریب ہزارہ ایکسپریس کے خوفناک حادثے میں تیس شہری جاں بحق اور متعدد زخمی ہوئے ایسے میں زخمیوں کو خون کی ضرورت پڑی تو نوابشاھ کے مرد و زن نوجوان گھروں سے نکل پڑے اور اپنا خون دیکر درجنوں انسانوں کو بچایا ، سندھ مہمان نوازی اور معاشی امکانات کی دھرتی ہے یہ جذبے سلامت رہیں.
نوابشاھ کے قریب ہزارہ ایکسپریس کے خوفناک حادثے میں تیس شہری جاں بحق اور متعدد زخمی ہوئے ایسے میں زخمیوں کو خون کی ضرورت پڑی تو نوابشاھ کے مرد و زن نوجوان گھروں سے نکل پڑے اور اپنا خون دیکر درجنوں انسانوں کو بچایا ، سندھ مہمان نوازی اور معاشی امکانات کی دھرتی ہے یہ جذبے سلامت رہیں pic.twitter.com/LrWQRsjn34
— Faizullah Khan فیض (@FaizullahSwati) August 7, 2023
ٹرین حادثے پر بحث کا آغاز ہوا تو صارفین کا کہنا تھا کہ کب تک اپنی مدد آپ کے تحت ان مشکلات سے نکلنا پڑے گا ، اسی حوالے سے ایک صارف نے لکھا کاش یہ مہمان نواز لوگ جنہیں ریلوے نے ٹریکوں کی دیکھ بھال اور مرمت کے لئے رکھا ہوا ہے اپنے فرائض بھی اسی طرح جوش و جذبے کے ساتھ سرانجام دے سکیں
کاش یہ مہمان نواز لوگ جنہیں ریلوے نے ٹریکوں کی دیکھ بھال اور مرمت کے لئے رکھا ہوا ہے اپنے فرائض بھی اسی طرح جوش و جزبے کے ساتھ سرانجام دے سکیں
— علی رضا (@ali_noonleagui) August 7, 2023
صحافی فیض اللہ نے سندھ کے عوام کی مہمان نوازی اور لوگوں کی مدد کے جذبے کو سراہا تو صارف شبیر احمد نے ان کے اس تبصرے کا جواب دیتے ہوئے لکھا کاش انہی جذبات کی قدر کرتے حکمران بھی میسر آتے
سندھ ❤️
کاش انہی جذبات کی قدر کرتے حکمران بھی میسر آتے https://t.co/YvsfHOOlKB— Shabir Ahmad (@ShabirAhmadSA) August 7, 2023
جہاں صارفین نوجوانوں کے اس جذبہ انسانیت کو سراہتے نظر آئے وہی کچھ صارفین ایسے بھی تھے جو اس اقدام کے پیچھے فلاحی جماعت کو کریڈٹ دینے کا کہتے نظر آئے۔ ایک صارف نے اسی حوالے سے تبصرہ کرتے ہوئے لکھا جس جماعت نے فلاحی کام کیا وہ بھی بتادیں لوگوں کو
جس جماعت نے فلاحی کام کیا وہ بھی بتادیں لوگوں کو https://t.co/iwTrSPsRGT
— Khana badosh (@BadoshKhan78700) August 7, 2023
واضح رہے کہ ٹرین نہر کے اوپر سے گزر رہی تھی جب حادثہ پیش آیا تو ٹرین میں سوار افراد زخمی ہونے کے بعد نہر میں گر گئے جن کو نکالنے کے لیے امدادی سرگرمیاں عمل میں لائی گئیں۔