بلوچستان کے علاقے ژوب میں کاؤنٹرٹیررازم ڈیپارٹمنٹ (سی ٹی ڈی) کی کارروائی میں کالعدم تنظیم سے تعلق رکھنے والے 3 مبینہ دہشت گرد ہلاک ہو گئے ہیں۔ فائرنگ سے 2 سیکیورٹی اہلکار زخمی بھی ہوئے ہیں۔
ترجمان سی ٹی ڈی کے مطابق بلوچستان کے ضلع ژوب میں مرغہ کبزئی کے علاقے میں سی ٹی ڈی کی کارروائی کے دوران فائرنگ کے تبادلے میں 3 مبینہ دہشت گرد ہلاک ہو گئے ہیں جبکہ فائرنگ نتیجے میں 2 سیکیورٹی اہلکار بھی زخمی ہو گئے۔
ترجمان سی ٹی ڈی کے مطابق ہلاک ہونے والے دہشت گردوں کا تعلق کالعدم تنظیم سے بتایا جاتا ہے واقعہ کے بعد پولیس اور دیگر قانون نافذ کرنے والے اداروں کے اہلکاروں نے علاقے میں سرچ آپریشن بھی شروع کر دیا ہے۔
