اپنی متنازعہ توئٹس کی وجہ سے مقدمات کا سامنے کرنے والے تحریک انصاف کے رہنما اعظم سواتی کی ضمانت کی منسوخی کے لیے اسلام آباد ہائی کورٹ میں درخواست دائر کر دی گئی ہے۔
وی نیوز کے مطابق اعظم سواتی کے خلاف یہ درخواست ان کی اس متنازعہ تقریر کے بعد دائر کی گئی ہے جو انہوں نے راولپنڈی میں ایک تقریب میں کی ہے۔
اعظم سواتی پر الزام ہے کہ راولپنڈی میں منعقد تقریب سے خطاب کے دوران انہوں نے اداروں سے متعلق متنازع گفتگو کی ہے۔
اسلام آباد ہائی کورٹ کے چیف جسٹس عامر فاروق کل ایف آئی اے کی درخواست پر سماعت کریں گے۔
واضح رہے کہ اعظم سواتی کو اپنی بعض متنازعہ ٹوئٹس کی وجہ سے پہلے مقدمات کا سامنا ہے اور وہ ان دنوں اس کیس میں ضمانت پر ہیں۔