بلوچستان عوامی پارٹی کے رہنما سینیٹر انوارالحق کاکڑ کو نگراں وزیراعظم بنانے پر پیپلزپارٹی میں جہاں اختلاف سامنے آیا ہے۔ وہیں کچھ رہنما انوار الحق کی تعیناتی کو خوش آئند بھی قرار دے رہے ہیں۔
بہتر ہوتا کسی اور شخص کا انتخاب کیا جاتا، خورشید شاہ
پیپلزپارٹی کے سینیئر رہنما و سابق اپوزیشن لیڈر قومی اسمبلی سید خورشید شاہ نے کہا ہے کہ بہتر ہوتا کہ کسی اور شخص کا انتخاب کیا جاتا، ہمیں علم نہیں تھا کہ انوارالحق کاکڑ کا نام آئے گا۔
مزید پڑھیں
خورشید شاہ نے کہاکہ اگر انوارالحق کاکڑ صاف اور شفاف انتخابات کرانے میں کامیاب ہو گئے تو انہیں یاد رکھا جائے گا۔
خورشید شاہ نے مزید کہا کہ نگراں وزیراعظم کا نام جہاں سے بھی آیا ہو ہمیں اچھے کی امید رکھنی چاہیے، ان کا کہنا تھا کہ انتخابات میں تاخیر کے خدشات تو پہلے روز سے ہیں۔
انوار الحق کاکڑ کی تعیناتی کا خیرمقدم کرتے ہیں، فیصل کریم کنڈی
دوسری جانب فیصل کریم کنڈی نے انوارالحق کاکڑ کی تعیناتی کا خیرمقدم کیا ہے۔