وزیراعظم پاکستان شہباز شریف نے انوارالحق کاکڑ کے نگراں وزیراعظم تقرر کے بعد وزیراعظم ہاؤس خالی کر دیا ہے۔
صدر مملکت نے سینیٹر انوارالحق کاکڑ کو نگراں وزیراعظم بنانے کے لیے بھیجی گئی سمری پر دستخط کر دیے ہیں۔
مزید پڑھیں
شہباز شریف صدر مملکت کی جانب سے انوارالحق کاکڑ کے نام کی منظوری دینے کے بعد وزیراعظم ہاؤس سے چلے گئے اور اپنا ذاتی سامان بھی ساتھ لے گئے ہیں۔
وزیراعظم شہباز شریف نے عملے سے الوداعی ملاقات کی اور اس کے بعد وزیراعظم ہاؤس اور عملے کو الوداع کہا۔
میڈیا رپورٹس کے مطابق اتوار کو شہباز شریف کو وزیراعظم ہاؤس میں گارڈ آف آنر پیش کیا جائے گا۔
یہ بات بھی سامنے آئی ہے کہ نگراں وزیراعظم انوارالحق کاکڑ کی تقریب حلف برداری 14 اگست کو ہوگی۔
واضح رہے کہ وزیراعظم شہباز شریف اور اپوزیشن لیڈر قومی اسمبلی راجہ ریاض کے درمیان مشاورت میں سینیٹر انوارالحق کاکڑ کو نگراں وزیراعظم بنانے پر اتفاق ہوا تھا، جس کے بعد سمری صدر مملکت کو بھجوائی گئی تھی، عارف علوی کی جانب سے سمری کی منظوری کے بعد انوار الحق کاکڑ نگراں وزیراعظم مقرر ہو گئے ہیں اور ان کو پروٹوکول بھی دے دیا گیا ہے۔