قومی کرکٹ ٹیم کے فاسٹ باؤلر شاہین شاہ آفریدی کا انٹرنیشنل لیگ آئی ایل ٹی 20 میں شرکت کے لیے معاہدہ ہو گیا ہے اور وہ آئندہ سیزن میں ایکشن میں نظر آئیں گے۔
شاہین شاہ آفریدی ڈیزرٹ وائپرز کی طرف سے کھیلتے ہوئے نظر آئیں گے، فاسٹ باؤلر کا اس فرنچائز کے ساتھ معاہدہ 3 سال کے لیے ہوا ہے۔
#DPWorldILT20 Season 2 just got a lot hotter! 🔥 pic.twitter.com/z9IErwS7fM
— International League T20 (@ILT20Official) August 14, 2023
شاہین نے اس حوالے سے اپنے ایک بیان میں کہا ہے کہ وہ لیگ میں شرکت کے حوالے سے پُر جوش ہیں، ان کا کہنا تھا کہ کیوں کہ یو اے ای میں پاکستانی شائقین بڑی تعداد میں موجود ہیں جو ان کی ٹیم کو بھی سپورٹ کریں گے۔
واضح رہے کہ ڈیزرٹ وائپرز آئی ایل ٹی ٹوئنٹی کے پچھلے سیزن کی رنر اپ ٹیم ہے، لیگ کا دوسرا سیزن جنوری 2024 میں متحدہ عرب امارات میں ہوگا۔
یہ بھی یاد رہے کہ سابق چیئرمین پی سی بی رمیز راجا نے اپنے دور میں قومی ٹیم کے کھلاڑیوں کو لیگ میں شرکت کی اجازت نہیں دی تھی۔
