رکن قومی اسمبلی علی وزیر کے وکیل قادر خان کے مطابق علی وزیر آج شام تک رہا ہو جائیں گے۔
قادر خان کے مطابق 8 فروری کو خیبر پختون خواہ حکومت کا علی وزیر کی رہائی کے لیے حکومت سندھ سے رابطہ ہوا ہے۔
خیبر پختون خواہ حکومت نے علی وزیر کو رہا کرنے کے لیے مراسلہ تحریر کیا تھا۔
خیبر پختون خواہ حکومت کی سفارش پر سندھ حکومت نے سینٹرل جیل حکام سے رابطہ کیا ہے، ایسے میں تمام دستاویزی عمل پورا کرنے کے بعد علی وزیر کی رہائی ممکن ہو جائے گی۔
علی وزیر پر کراچی میں مجموعی طور پر 4 مقدمات قائم تھے،علی وزیر ان چار مقدمات میں سے ایک مقدمہ میں بری جبکہ تین میں ضمانت پر ہیں
علی وزیر کے خلاف کراچی کے مختلف تھانوں میں ریاست مخالف تقاریر کے مقدمات تھے۔
واضح رہے کہ علی وزیر کو 2020 میں پشاور سے گرفتار کرکے کراچی منتقل کیا گیا تھا