نگراں وزیرِاعظم انوارالحق کاکڑ نے میڈیکل کالجز میں داخلے کے خواہشمند طلبا وطالبات کے مطالبے پر ایم ڈی کیٹ کے امتحان کی تاریخ میں توسیع کر کے امتحان 10 ستمبر کو لینے کی ہدایت کی ہے۔
اس سے پہلے ایم ڈی کیٹ 27 اگست کو منعقد ہونا تھا، وزیرِ اعظم نے طلبا و طالبات کی گزارش پر ایم ڈی کیٹ کی تاریخ میں توسیع کا فیصلہ کیا۔
ایم ڈی کیٹ کی تاریخ میں توسیع سے طلبا و طالبات کو میڈیکل کالجز میں داخلے کے امتحان کے لیے مزید تیاری کا وقت ملے گا۔
واضح رہے کہ پی ایم ڈی سی کونسل نے فیصلہ کیا تھا کہ رواں برس ایم ڈی کیٹ کا امتحان 27 اگست کو ہو گا۔ یہ بھی کہا گیا تھا کہ نصاب پچھلے سال کے امتحان جیسا ہی رہے گا۔
