پاکستان کے سب سے بڑے شہر کراچی میں پیش آنے والے ایک افسوسناک واقعہ کی نشاندہی کرنے والوں کے مطابق نوجوان سے موبائل چھیننے کے لیے ڈاکوؤں نے اسے دل پر گولی مار دی۔
دلخراش معاملے کی تفصیل ٹائم لائنز پر بیان کرنے والوں کا کہنا ہے کہ ڈاکوؤں نے موبائل چھینتے ہوئے فائرنگ کی جس سے گولی جواں سال فہد کو دل پر لگی جو مہلک ثابت ہوئی۔
حارث ممتاز کے مطابق فہد فیڈرل بی ایریا میں ایک کلینک پر ملازمت کرتے تھے۔ یہاں سے چھٹی کرنے کے بعد وہ موٹرسائیکل رائیڈ شیئرنگ سروس بائیکیا کے ساتھ کام کرتے۔
کراچی والوں سے ایک اور ماں کا لال چھین لیا گیا۔
محمد فھد کو موبائل چھین کر ڈاکوئوں نے دل پر گولی مار کر شہید کردیا ۔ موقع پر ہی دم توڑ گیا۔ کراچی کے لوگ اور کتنی لاشیں اٹھائینگے۔ فہد فیڈرل بی ایریا میں کلینک پر کام کرتا تھا اور کلینک بند ہونے کے بعد بائیکیا چلاتا تھا۔ pic.twitter.com/SPJ34gPPzO— Haris Mumtaz (@haris_mumtaz012) August 16, 2023
طویل عرصے سے بدامنی کا شکار کراچی میں موبائل، موٹرسائیکل، گاڑیوں اور خواتین سے پرس چھیننے کے واقعات مسلسل جاری ہیں۔
ان واقعات میں نامعلوم ڈاکو مزاحمت پر یا اشتعال میں آ کر جہاں مختلف مردوخواتین کو قیمتی املاک سے محروم کرتے ہیں وہیں کئی واقعات میں بےرحمی سے ان کی جان بھی لے لیتے ہیں۔
آزاد ذرائع سے سامنے آنے والے اعدادوشمار کے مطابق رواں برس کراچی میں 88 افراد ڈاکوؤں کی فائرنگ کا نشانہ بن کر جان کھو چکے ہیں۔
کراچی میں جاری خون کی یہ ہولی 15 برس سے سندھ کی حکمراں جامعت پیپلزپارٹی اور پولیس پر مسلسل تنقید کی وجہ بھی بنتی ہے لیکن اس میں مستقل بہتری دکھائی نہیں دیتی۔
اسی دوران پولیس کی جانب سے شہر کے کسی نا کسی حصے میں ڈاکوؤں سے مقابلوں کی تفصیل بھی رپورٹ کی جاتی ہے۔
کراچی: نارتھ کراچی پولیس مقابلہ، 5 ڈاکو ہلاک کی ہلاکت،
ہلاک ڈاکووں میں سے تین ڈاکووں کی شناخت ہوگئی،
کراچی: ڈاکوئوں کا گروہ گھر میں لوٹ مار کے لئے داخل ہوا تھا، پولیس کے پہنچنے پر مقابلہ ہوا @MaroofUsman1PSP @sindhpolicedmc8@KarachiPolice_— Saqib Sagheer (ثاقب صغیر) (@saqibSJang) August 16, 2023
کراچی میں لاقانونیت اور ڈاکو راج عام ہونے نے شہر کے نام کو بدامنی کا متبادل بنا دیا ہے۔ ملک کے کسی دوسرے شہر میں بھی کوئی جرائم کی واردات ہو تو اسے کراچی سے ہی تشبیہہ دی جاتی ہے۔
یہ کراچی نہیں بلکہ پاکستان کا دارالحکومت اسلام آباد پارک روڈ ہے، جہاں سرے عام ایک گاڑی کو لوٹا جارہا ہے۔ اسلام آباد انتظامیہ کو ایکشن لینا چاہیے نہیں تو حالات کراچی سے بھی بدتر ہوجائنگے۔ pic.twitter.com/nNcgLgo0W1
— Islamabad Updates (@IslamabadViews) August 15, 2023
کراچی کے باسیوں کو مستقل ڈاکوؤں اور چوروں کا سامنا رہا تو شہریوں کی جانب سے جوابی طور پر اسلحہ کا استعمال بھی بڑھتا محسوس ہوتا ہے۔
نارتھ ناظم اباد میں ڈاکو سے بڑا ہتھیار شہری کے پاس نکلا _ بہادر شہری نے ڈاکو کو الٹے قدموں بھاگنے پر مجبور کر دیا اور ساتھی لڑکی کو پکڑ لیا pic.twitter.com/ba3hh2SVRS
— Nazir Shah (@SsyedHhussain) August 15, 2023
سوشل ٹائم لائنز پر آئے روز ایسی ویڈیوز سامنے آتی ہیں جن میں مختلف شہریوں اپنے دفاع کے لیے ڈکیتوں پر فائرنگ کرتے دکھائی دیتے ہیں۔ ان واقعات میں سے کئی میں ڈاکوؤں کے ہلاک وزخمی ہونے کی رپورٹس بھی سامنے آتی رہی ہیں۔