معروف اداکارہ و ماڈل ماہرہ خان کی اداکار و ماڈل فواد خان کے ساتھ ایک خوبصورت تصویر سوشل میڈیا پر وائرل ہے، جس میں دونوں اسٹارز نے شادی کے ملبوسات زیب تن کر رکھے ہیں، کیا فواد خان اور ماہرہ خان نے ملبوسات کے کسی برانڈ کی تشہیر شروع کی ہے؟
انسٹاگرام پوسٹ میں فلم رئیس کی ہیروئین ماہرہ نے ڈرامہ سیریل ہمسفر کے ساتھی اداکار فواد خان کے ساتھ اپنی ایک تصویر شیئر کی ہے۔ ماہرہ اور فواد دلہا دلہن کے لباس میں خوبصورت نظر آ رہے ہیں۔
View this post on Instagram
سال 2023 اپنے اختتام کی جانب ہے اور اِن آنے والے مہینوں میں شادیوں کا سیزن عروج پر ہوتا ہے۔ یہی وجہ ہے کہ بڑے سے بڑے اور چھوٹے سے چھوٹے کپڑوں کے برانڈز اپنی تشہیر کے لیے نامور فنکاروں سے فوٹو شوٹ کرواتے ہیں۔
بلاک بسٹر ڈرامہ سیریل ’ہمسفر‘ کی جوڑی ماہرہ خان اور فواد خان کے کرائے گئے نئے فوٹو شوٹ میں دونوں فنکار ایک ساتھ بے حد حسین نظر آ رہے ہیں۔ ماہرہ نے تصویر کا کیپشن لکھ کر پرستاروں کا تجسس یوں ختم کیا کہ یہ فوٹو فواد خان کی اہلیہ صدف فواد کے کلاتھنگ برانڈ کے لیے کیا گیا ہے۔
