پاکستان فٹ بال فیڈریشن کا اے ایف سی ایشین کپ کے لیے ممکنہ کھلاڑیوں کا اعلان

پاکستان فٹ بال فیڈریشن (پی ایف ایف) نے اے ایف سی انڈر 23 ایشین کپ 2024 کوالیفائرز کے لیے ممکنہ کھلاڑیوں کا اعلان کر دیا، آئندہ ماہ بحرین میں ہونے والے ایونٹ کی تیاری کے لیے تربیتی کیمپ جمعرات 17 اگست سے ایبٹ آباد میں شروع ہو گا۔

ٹریننگ کے لیے طلب کیے جانے والے کھلاڑیوں میں سلمان الحق، عثمان علی، حسن علی، آصف اللہ، سعید خان، زین العابدین، محمد عبداللہ، مامون موسیٰ خان، سردار ولی، عبدالرحمان، عبداللہ شاہ، محب آفریدی، محمد سفیان، محمد سہیل شامل ہیں۔

اس کے علاوہ سید جنید شاہ، فہیم اللہ، توقیر الحسن، محمد بصیر، زید عمر، محمد طحہ ، عالمگیر غازی، نظام، حیان خٹک، علی رضا، مظہر غفار، شائق دوست، محمد ولید خان، معین احمد، محمد وحید، فرید اللہ، عدیل یونس، حمزہ احمد، حماد حسن اور فراز محمود کو بھی ٹریننگ کے لیے بلایا گیا ہے۔

ٹورنامنٹ میں پاکستان کو بحرین، جاپان اور فلسطین کے ساتھ گروپ ڈی میں رکھا گیا ہے، پاکستانی ٹیم اپنا پہلا میچ 6 ستمبر کو جاپان، دوسرا میچ 9 ستمبر کو بحرین جبکہ تیسرا اور آخری میچ 12 ستمبر کو فلسطین کے خلاف کھیلے گی۔